ء«ۇش اۋىسىمدى جانە تىعىزدالعان مەكتەپتەردىڭ سانىن ازايتۋ ماقساتىندا بيىل جالپى سانى 22 750 ورىندىق 11 مەكتەپ سالۋ جوبالارى ىسكە اسىرىلىپ جاتىر. وسى مەكتەپتەردىڭ ەكەۋى 1 قىركۇيەكتە پايدالانۋعا بەرىلدى, قالعان توعىزى وسى وقۋ جىلىندا پايدالانۋعا بەرىلەدى. بۇدان باسقا, 2022 جىلعى 28 قىركۇيەكتە قر پرەزيدەنتى جانىنداعى جوعارى كەڭەستىڭ وتىرىسىندا قابىلدانعان «جايلى مەكتەپ» ۇلتتىق جوباسىن ىسكە اسىرۋ شەڭبەرىندە 2026 جىلعا دەيىن وقۋشى ورىندارىنىڭ جەتىسپەۋشىلىگى ماسەلەسىن شەشۋ ماقساتىندا بىرقاتار جۇمىستار جۇرگىزىلۋدە. «جايلى مەكتەپ» جوباسى بويىنشا بىرىڭعاي وپەراتور بولىپ «Samruk-Kazyna Construction» اق تاعايىندالدى», دەدى قاسىمحان سەنعازىەۆ.
ونىڭ ايتۋىنشا, جوبانى ىسكە اسىرۋ بيۋدجەتتىك ينۆەستيتسيالار, مەملەكەتتىك-جەكەشەلىك ارىپتەستىك ەسەبىنەن جانە دايىن عيماراتتاردى ساتىپ الۋ جولىمەن قاراستىرىلعان.
باسقارما باسشىسىنىڭ ايتۋىنشا, 2025 جىلعا دەيىن جوبا اياسىندا جالپى سىيىمدىلىعى 90 مىڭ وقۋشى ورنىن قۇرايتىن, ەكى اۋىسىمدا وقيتىن مەكتەپتەر سالۋ جوسپارلانعان. بۇل رەتتە, استانا قالاسىنىڭ ەسىل اۋدانىندا 16 مەكتەپ, الماتى اۋدانىندا - 5 مەكتەپ, بايقوڭىر اۋدانىندا - 1 مەكتەپ, سارىارقا اۋدانىندا - 2 مەكتەپ سالىنادى. بۇل مەكتەپتەردىڭ قۇرىلىسى 2023 جىلى باستالىپ, 2024-2025 جىلدارى پايدالانۋعا بەرىلەدى.
