«ارسەلورميتتال تەمىرتاۋ» شاحتاسىندا مەتان جارىلىسى بولىپ, ادامدار قازا تاپتى. الدىن الا قورىتىندى 23 قاراشادا بەلگىلى بولادى. قازىر ارنايى كوميسسيا جۇمىس ىستەپ جاتىر. 23 قاراشادا قاراعاندىدا باق وكىلدەرىن جيناپ, ونىڭ قورىتىندىسىن جاريالايمىز», دەدى مينيستر.
ەسكە سالا كەتەيىك, 3 قاراشاعا قاراعان ءتۇنى قاراعاندى وبلىسىنداعى «ارسەلورميتتال تەمىرتاۋ» شاحتالارىنىڭ بىرىندە توتەنشە جاعداي ورىن الدى. گاز درەناجدىق ۇڭعىمالاردى بۇرعىلاۋ كەزىندە كەنەتتەن گاز شىعىپ, سونىڭ سالدارىنان ءتورت جۇمىسشى قازا تاپتى. تاڭەرتەڭ بەسىنشى جۇمىسشىنىڭ دەنەسى تابىلدى.
وقيعا سالدارىنان ءتورت كەنشى مەتاننان ۋلانىپ, اۋرۋحاناعا جاتقىزىلدى. ەكى كەنشى قاراعاندىداعى ماقاجانوۆ اتىنداعى كوپسالالى اۋرۋحانانىڭ توكسيكولوگيالىق بولىمىنە جاتقىزىلدى. ۋلانعاننان بولەك, ءارتۇرلى اۋىرلىقتاعى جاراقات العان تاعى ەكى ادام شاحتينسك اۋرۋحاناسىندا جاتىر.
