دەگەنمەن اباي, جامبىل, شىعىس قازاقستان, قاراعاندى, ۇلىتاۋ وبلىستارىندا جانە ەلوردادا ءورت وقيعالارىنىڭ سانى وسكەن.
«كوپ جاعدايدا ورتكە قاراپايىم قاۋىپسىزدىك تالاپتارىنىڭ بۇزىلۋى سەبەپ بولادى. وسىعان وراي, قاۋىپسىزدىك تالاپتارىن ساقتاۋعا, ءورتتىڭ الدىن الۋعا باعىتتالعان كەشەندى شارالار قابىلداۋ قاجەت. ينسپەكتسيالاردىڭ وكىلەتتىكتەرىن كۇشەيتۋ بويىنشا جۇمىس جۇرگىزۋ كەرەك. ادامدار انىقتالعان بۇزۋشىلىقتاردى جويۋعا جانە بولاشاقتا ولاردىڭ الدىن الۋعا وزدەرى مۇددەلى بولۋى ءتيىس. سونىمەن بىرگە اۆتونومدى قازاندىقتاردى تۇرعىن ۇيلەردەن قاۋىپسىز قاشىقتىققا شىعارۋ ماسەلەسى وسىعان دەيىن بىرنەشە رەت كوتەرىلدى. ءوڭىر اكىمدەرى ءتيىستى شارالار قابىلداۋى كەرەك», دەدى ءاليحان سمايىلوۆ.
