«سوڭعى ۋاقىتتا كيبەرقىلمىس, سونىڭ ىشىندە ينتەرنەت پايدالانۋشىلارعا قارسى الاياقتىق جاعدايلارى جيىلەپ كەتتى. جىل باسىنان بەرى 17,5 مىڭ قىلمىس تىركەلدى, بۇل وتكەن جىلمەن سالىستىرعاندا 1,7 پايىزعا تومەن كورسەتكىش. الاياقتاردىڭ ارەكەتىنەن ازاماتتار جىل باسىنان بەرى 15 ملرد تەڭگە كولەمىندە شىعىنعا ۇشىرادى», دەدى كيبەرقىلمىسپەن كۇرەس ورتالىعىنىڭ ورىنباسارى رۇستەم ديۋسەتاەۆ.
سپيكەر اتاپ وتكەندەي, ونلاين-ساۋدا ءالى دە ەڭ كەڭ تارالعان ءادىس بولىپ وتىر. التى ايدىڭ ىشىندە وسىلايشا 6 مىڭعا جۋىق الاياقتىق جاسالعان.
«بانكتەردە جانە ميكروكرەديتتىك ۇيىمداردا جالعان ونلاين-نەسيەلەردى تىركەۋدىڭ 2,8 مىڭ فاكتىسى تىركەلدى. فيشينگتىك سىلتەمەلەردى جىبەرۋ ارقىلى ازاماتتاردىڭ شوتتارىنان 1200 ۇرلىق جاسالدى», دەدى ر. ديۋسەتاەۆ.
سونداي-اق ول بانك قىزمەتكەرلەرى مەن قۇقىق قورعاۋ ورگاندارىنىڭ اتىنان تۇسكەن جالعان قوڭىراۋلار ەرەكشە الاڭداۋشىلىق تۋعىزاتىنىن ءتۇسىندىردى. جىل باسىنان بەرى وسى ادىسپەن 3 مىڭنان استام الاياقتىق جاسالعان.
«مۇنداي جاعدايلاردا الاياقتار ابونەنتتىك ءنومىردى وزگەرتۋ ءۇشىن ارنايى قىزمەتتەردى بەلسەندى پايدالانادى. ياعني, ورناتىلعان باعدارلامانىڭ كومەگىمەن باستاپقى ابونەنتتىك ءنومىر باسقاعا اۋىستىرىلادى. الەۋمەتتىك ينجينيرينگ ادىستەرىن قولدانا وتىرىپ, الاياقتار شوتتاعى كۇدىكتى وپەراتسيالار نەمەسە نەسيە الۋ ارەكەتى تۋرالى حابارلايدى جانە جوسىقسىز بانك قىزمەتكەرلەرىن ۇستاۋ بويىنشا جۇرگىزىلىپ جاتقان ارنايى وپەراتسيا تۋرالى حابارلايدى», دەدى ورتالىق باسشىسىنىڭ ورىنباسارى.
ونىڭ ايتۋىنشا, اقشانىڭ ساقتالۋىن قامتاماسىز ەتۋ ءۇشىن ازاماتتاردى شوتتان نەمەسە دەپوزيتتەن «ساقتاندىرۋ» دەپ اتالاتىن سەيفتىك شوتقا اقشا اۋدارۋعا كوندىرەدى. كەيىن ۇرلانعان اقشانى ودان ءارى اۋدارۋ نەمەسە قولما-قول اقشاعا اينالدىرۋ ءۇشىن پايدالانادى.
