بۇل تۋرالى energyprom.kz پورتالى زەرتتەۋ جۇرگىزدى.
كيىم باعاسى ايتارلىقتاي شارىقتاعان ءوڭىر - استانا. ءبىر جىلدا باعالار بىردەن 25%-عا كوتەرىلگەن. كەلەسى ورىندا قىزىلوردا وبلىسى - 19,8% جانە اقمولا وبلىسىندا باعا 19% قىمباتتاعان.
ءبىر جىلدا باعا ءوسىمى - ەرلەر كيىمىنە 14% قىمباتتاسا, ايەلدەر كيىمىنە 14,1% جانە بالالار كيىمىنە 17,2% قوسىلعان.
ايتا كەتەيىك, وسىعان قاراماستان بيىل ەلىمىزدە كيىم ءوندىرىسى 43,1 ملرد تەڭگەگە جەتكەن, بۇل بىلتىرعىمەن سالىستىرعاندا 12,7% ارتىق.
يمپورت بويىنشا: بيىلعى قاڭتار-تامىز ايلارىندا ەلىمىزگە جالپى قۇنى 888,9 ملن اقش دوللارى بولاتىن 71 مىڭ توننا تريكوتاج جانە توقىما كيىم يمپورتتالعان.
قازاقستانعا تمد ەلدەرىنەن 16,9 مىڭ توننا كيىم اكەلىندى, بۇل بىلتىرعىمەن سالىستىرعاندا 2,9%-عا از. يمپورت بويىنشا جەتەكشى ەل - وزبەكستان بولدى: 10,2 مىڭ توننانى قۇرادى.
تمد-دان باسقا ەلدەردەن قازاقستانعا 54,1 مىڭ توننا كيىم يمپورتتالدى, بىلتىرعىمەن سالىستىرعاندا 17,8% كوپ. قازاقستان ءۇشىن نەگىزگى جەتكىزۋشى ەلدەر قىتاي مەن تۇركيا.
