سالىقتان جالتارعاننىڭ سازايى

پاۆلودار وبلىسى بو­يىنشا ەكونوميكالىق تەرگەۋ دەپار­تا­مەنتىنىڭ قىزمەتكەرلەرى «سوتيس-بي» جشس-ءنىڭ باسشى­سى م.بۋداەۆتىڭ مەملەكەت بيۋد­جە­تىنە سالىق تولەمەي، جال­تار­عانىن انىقتاعان. قىزىق بول­عاندا كاسىپكەر ازامات 2018-2021 جىلدار ارا­لى­عىندا كوم­پا­نيا­نىڭ كىرىسى مەن شىعىس­تا­رى تۋرالى بۇرمالانعان ما­لى­مەت­تەر­گە تولى سالىق دەك­لاراتسيالارىن ەنگىزىپ، سالىق ورگاندارىن الدا­عان. وسىلايشا، ونىڭ قىل­مىستىق ارەكەتىنەن مەم­لەكەت بيۋدجەتىنە 165 ملن تەڭگەنىڭ زيانى كەلتىرىلىپتى. فيرما باسشىسى بىرنەشە سالىق تۇرلەرى جانە وزگە دە تو­لەمدەر بويىنشا ورىن العان ماتەريالدىق شى­عىنعا جاۋاپتى سانالىپ وتىر.

قىلمىستىق كو­دەك­ستىڭ 245-با­­بىنا سۇ­يەنسەك، سەرىكتەستىك باس­­­شىسىنا 200 ايلىق ەسەپتىك كورسەتكىشكە دە­يىن ايىپپۇل سالىنىپ، تۇزەۋ ورنىنا نەمەسە قوعامدىق جۇمىسقا جىبە­رىلۋى، سونداي-اق باس بوس­تان­دىعى ءۇش جىلعا دەيىن شەكتەلۋى (نەمەسە باس بوستاندىعىنان ايىرىلۋى) مۇمكىن.

پاۆلودار قالاسىن­دا­عى №2 سوتىندا م.بۋ­داەۆتىڭ ءىسى قارا­لىپ، قىل­مىستىق كودەكستىڭ جو­عا­رىدا اتالعان بابى بويىن­شا ازامات ايىپتى دەپ تانىلدى. كا­سىپ­كەر قارجىلىق جانە كوممەرتسيالىق ۇيىم­داردا باس­شى­لىق قىز­مەت­تەر­دى اتقارۋ قۇ­قى­­عىنان ايىرىلدى. ال نەگىزگى جازادان راقىم­شىلىق بويىنشا بوساتىلدى.

ەكونوميكالىق تەرگەۋ دەپار­تامەنتى مامان­دا­رىنىڭ سو­زىن­شە، مەملەكەت تاراپىنان بە­رى­لىپ جاتقان مۇمكىندىكتەرگە قاراماستان، كەيبىر بيزنەسمەندەر سالىعىن جاسىرىپ، كولدەنەڭ پايدا تابۋدان ۇمىتتەنەدى. سا­لىق جۇيەسىنە ەنگىزىلگەن سوڭ­عى جاڭاشىلدىقتار مەن جۇمىستىڭ جاڭا تارتىپتەرى مۇنداي قىل­مىس­تاردىڭ الدىن الۋدا زور سەپتىگىن تيگىزەدى ەكەن.

«دامۋ» كاسىپكەرلىكتى دامىتۋ قورىنىڭ وڭىرلىك في­ليا­لى ديرەكتورىنىڭ ورىن­­باسارى ايگۇل الى­­بە­كوۆانىڭ ايتۋىن­شا، جىل باسىنان بەرى جەر­گى­لىك­تى كاسىپكەرلەردىڭ 1،1 مىڭ جوباسى مەملەكەت تاراپىنان قولداۋ تاپقان. پايىزدىق مول­شەر­لە­مە­لەردى سۋب­سي­ديا­­لاۋ مەن كەپىلدى نە­سيەلەر باع­­دار­لا­ما­لا­رىن قول­دان­عان كوپ­­تەگەن فيرما ءوز شارۋا­سىن تۇزەتىپ، دامۋعا بەت بۇر­عان.

– پاۆلودارلىق بيز­­­نەس يەلەرى كاسىپ­كەر­­­لەردى قولداۋعا ار­نالعان مەملەكەتتىك باع­دارلامالارعا بەلسەنە قاتىسۋدا. بيىلعى 9 ايدا جالپى سوماسى 66 ملرد تەڭگە بولاتىن نەسيەنى سۋبسيديا­لاۋ بويىنشا 590 شارت­قا قول قويىلدى. كەپىلدىك بەرۋ باعىتى بو­يىنشا 13،7 ملرد تەڭ­گەگە 521 شارت جاسالدى، كەپىل سو­مالاردىڭ جالپى قۇ­نى 6،8 ملرد تەڭ­گە­نى قۇراپ وتىر. نە­گىز­گى قول­داۋدى ورتا، شا­عىن جانە ميكروبيز­نەس يە­لەن­دى، – دەيدى ول.

پاۆلودار وبلىسى