«سامارقاندتا وتكەن تۇركى مەملەكەتتەرى ۇيىمىنىڭ بۇگىنگى سامميتىندە بارلىق مەملەكەتتىڭ تەرريتوريالىق تۇتاستىعىن قولداۋ جانە بۇۇ جارعىسىن ساقتاۋ تۋرالى پرەزيدەنتتىڭ بۇگىنگى مالىمدەمەسىنە قاتىستى باق-تان سۇراقتار كەلىپ ءتۇسىپ جاتىر. وسىعان بايلانىستى مەملەكەت باسشىسى بۇل مالىمدەمەنى سولتۇستىك كيپر تۇرىك رەسپۋبليكاسىنا تۇركى مەملەكەتتەرى ۇيىمىندا باقىلاۋشى مارتەبەسىن بەرۋ تۋرالى وتىنىشىنە وراي جاساعانىن اتاپ وتكىم كەلەدى.
قازاقستان بۇۇ جارعىسىن جانە حالىقارالىق قۇقىقتىڭ نەگىزگى قاعيداتتارىن دايەكتى تۇردە ۇستانادى. پرەزيدەنت بۇل جونىندە بىرنەشە رەت ايتقان», دەپ جازدى رۋسلان جەلدىباي Facebook-تەگى پاراقشاسىندا.
ەسكە سالا كەتەيىك, بۇگىن پرەزيدەنت تۇركى مەملەكەتتەرى ۇيىمىنىڭ سامميتىنە قاتىستى.
