قازاقستان فۋتبول فەدەراتسياسىنىڭ مالىمەتىنشە, فۋتبولشىنىڭ ەكى جىلدىق ديسكۆاليفيكاتسياسى اياقتالىپ, كاسىپقوي كوماندامەن جاتتىعۋدى جالعاستىرۋعا بولاتىنى تۋرالى ءتيىستى قۇجاتتار الىندى.
ايتا كەتەيىك, قازاقستان قۇراماسىنىڭ جاتتىقتىرۋشىلار شتابى ءبىر اي بويى باۋىرجان يسلامحانمەن جۇمىس جۇرگىزىپ, ونىڭ قورىتىندىسى بويىنشا الماتىدا باستالاتىن جيىنعا شاقىرتۋ تۋرالى شەشىم قابىلدادى.
«باۋىرجان تۋرالى كوپ ەستىگەنمىن. ونىڭ ۇلكەن تالانتى مەن مول تاجىريبەسى بار. الداعى وقۋ-جاتتىعۋ جيىنىندا ونىڭ فيزيكالىق دايىندىعىن قاراعىم كەلەدى. ويتكەنى, ەكى جىلداي يسلامحاننىڭ ويىن تاجىريبەسى بولمادى. وقۋ-جاتتىعۋ جيىنىندا ونىڭ بابى قانداي ەكەنىن بايقاپ, الداعى ويىندارعا قانشالىقتى دايىن ەكەنىن بىلەتىن بولامىز», دەيدى قازاقستان قۇراماسىنىڭ باس باپكەرى ماگومەد اديەۆ.
يسلامحان قازاقستان قۇراماسىنا العاش رەت 2012 جىلدىڭ 29 اقپانىندا لاتۆياعا قارسى جولداستىق ويىندا الاڭعا شىقتى. ۇلتتىق قۇرامانىڭ قاتارىندا 46 ويىن وتكىزىپ, ءۇش گول سوققان.
باۋىرجان سوڭعى رەت قازاقستان قۇراماسىندا 2020 جىلدىڭ قىركۇيەگىندە بەلارۋس كومانداسىنا قارسى وينادى.
