«تۇركى مەملەكەتتەرى ۇيىمى مەن باسقا دا قۇرىلىمداردى جۇيەلەپ, ورنىقتىراتىن كەز كەلدى دەپ ويلايمىن. قازىر ۇيىم حاتشىلىعىنا جۇكتەلەتىن جاۋاپكەرشىلىك ارتتى. سوندىقتان تۇركى كەڭەسىن قۇرۋ جونىندەگى ناحچىۆان كەلىسىمىنىڭ 13-ءشى بابىنداعى تۇراقتى وكىلدەر تۋرالى ماسەلەنى قاراستىرۋدى ۇسىنامىن. ولار ءوزارا ءىس-قيمىلىمىزدى ۇيلەستىرۋ ىسىندە ماڭىزدى ءرول اتقارار ەدى», دەدى ەل پرەزيدەنتى.
مەملەكەت باسشىسى سونداي-اق ۇيىمداردى ءتيىمدى پايدالانۋ ءۇشىن VII سامميتتە قۇرىلعان ۇيلەستىرۋ كوميتەتىنىڭ قىزمەتىن جانداندىرۋ قاجەت ەكەنىن اتاپ ءوتتى.
«تۇركى جۇرتىنىڭ ءتۇرلى سالاداعى بايلانىسىن بەكەمدەيتىن بىرنەشە قۇرىلىم بار (ياعني, ۇيىم حاتشىلىعى, تۇركپا, تۇركسوي, تۇركى اكادەمياسى, تۇركى مادەنيەتى جانە مۇراسى قورى). بىراق, كەي جاعدايدا ولاردىڭ مىندەتتەرى قايتالانىپ جاتادى. بۇل ۇيىمداردى ءتيىمدى پايدالانۋ ءۇشىن VII سامميتتە قۇرىلعان ۇيلەستىرۋ كوميتەتىنىڭ قىزمەتىن جانداندىرۋ قاجەت. كوميتەت بۇل قۇرىلىمداردىڭ جۇمىسىن دۇرىس ۇيلەستىرە بىلسە, ولار ءبىرىن-ءبىرى تولىقتىرا تۇسەر ەدى», دەدى ق.توقاەۆ.
