«قازاقستان تۇركىتىلدەس مەملەكەتتەرمەن دوستىق جانە تاتۋ كورشىلىك قاتىناستاردى دامىتۋعا كۇش سالىپ كەلەدى. سونىڭ ءبىر ايعاعى – ەلىمىزدىڭ باستاماسىمەن قابىلدانعان «تۇركى الەمىنىڭ كەلەشەگى – 2040» قۇجاتى. ونى ىسكە اسىرۋ ءۇشىن بۇگىن تۇركى مەملەكەتتەرى ۇيىمىنىڭ ستراتەگياسى قابىلدانباق», دەدى پرەزيدەنت سامميت بارىسىندا.
قاسىم-جومارت توقاەۆتىڭ ايتۋىنشا, اتالعان قۇجات تۇركىتىلدەس مەملەكەتتەر اراسىنداعى قارىم-قاتىناستى كۇشەيتۋگە ىقپال ەتەدى.
«بۇل قۇجات ەلدەرىمىز اراسىنداعى قارىم-قاتىناستى كۇشەيتۋگە جانە تۇراقتىلىق بەلدەۋىن نىعايتۋعا ىقپال ەتەرى ءسوزسىز. سوندىقتان, ىنتىماقتاستىعىمىزدىڭ بولاشاعى زور دەپ ايتۋعا تولىق نەگىز بار. ءبىز وڭىرلىك جانە جاھاندىق ماسەلەلەردى شەشۋگە بەلسەنە اتسالىسىپ, قۋاتتى كۇشكە اينالۋىمىز كەرەك. قازىر گەوساياسي, گەوەكونوميكالىق قايشىلىقتار سالدارىنان ەۋرازياداعى ەكونوميكا جانە كولىك-لوگيستيكا جۇيەسى ىدىراپ بارادى. سىن-قاتەرلەردى ەڭسەرۋ ءۇشىن كۇش-جىگەرىمىزدى بىرىكتىرۋىمىز قاجەت», دەدى مەملەكەت باسشىسى.
