Bank RBK اي سايىنعى ءوسىم بويىنشا ەلدەگى ەڭ ءىرى كرەديتور-بانكتەر اراسىندا كوشباسشى بولىپ كەلەدى. جىلدىق ديناميكا بويىنشا بانك پورتفەلى ءبىر جارىم ەسەگە وسكەن. بانك كاسiپكەرلiك سۋبەكتiلەرiن دە, حالىقتى دا نەسيەلەيدi, ال جەكە تۇلعالارعا وتە ۇلكەن سوماعا ۇزاق مەرزiمدi نەسيەلەر ۇسىنادى.
نەسيە پورتفەلىنىڭ اي سايىنعى ءوسىمى بويىنشا ەكىنشى ورىنعا تسەنتركرەديت بانكى جايعاسقان. مۇندا 8,8% قوسىمشا ءوسىم بار. بۇل شامامەن 2 ترلن تەڭگەگە جۋىق قارجى توڭىرەگىندەگى كورسەتكىش. بانك پورتفەلىنىڭ جىلدىق ءوسىمى 61,9%-دى قۇرادى. سوڭعى ايلارداعى مۇنداي ءوسىم اتاۋىن Eco Center Bank دەپ وزگەرتكەن رەسەيلىك بۇرىنعى ەنشىلەس ۇيىم الفا-بانكتى وزىنە قوسىپ العاننان كەيىن بايقالدى. ەستەرىڭىزدە بولسا, بيىلعى قىركۇيەكتە Eco Center Bank ءوز قىزمەتىن توقتاتقانىن جاريالاعان ەدى.
ۇزدىك ۇشتىكتى ەۋرازيالىق بانك تۇيىندەيدى. بانكتىڭ اي سايىنعى ءپليۋسى 4,3%. ءبىر جىل ىشىندە بانك پورتفەلى 51,3%-عا وسكەن. تولەمدى ۇزاق ۋاقىت كەشىكتىرەتىن نەسيە وتەۋشىلەردىڭ بۇل بانكتەگى ۇلەسى 6,6% قۇرادى. ءبىر جىل بۇرىن بۇل كورسەتكىش 8,9 پايىز شەگىندە تۇراۇتالعان.
قازىرگى ۋاقىتتا ناشار ءۇردىسى باسىم بانكتەردىڭ وندىعىن بۇرىنعى رەسەيلىك, كەيىن «بايتەرەك» ۇبح تۇلعاسىندا مەملەكەتكە وتكەن Bereke Bank (مامىلە بيىلعى 2 قىركۇيەكتە اياقتالدى) باستاپ كەلەدى. ءبىر ايدا بانك پورتفەلى 4,3%-عا, ءبىر جىل ىشىندە بىردەن 45%-عا قىسقارعان. بانك پورتفەلىندەگى NPL 90+ ۇلەسى 8,3%-عا جەتكەن. ءبىر اي بۇرىن بۇل دەڭگەي 7,9% جانە ءبىر جىل بۇرىن 5,1% بولعان.
قازاقستانداعى 21 ەكىنشى دەڭگەيلى بانكتەر اراسىندا اي سايىنعى ديناميكا بويىنشا 15 قارجى ينستيتۋتى, ال جىلدىق ماندە 17 بانك تابىستى جۇمىس ىستەپ كەلەدى.
