بۇل تۋرالى «2023-2025 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسى زاڭىنىڭ جوباسىن تالقىلاۋ بارىسىندا ايتىلدى.
«سوڭعى بەس جىلدا زاڭدى تۇلعالارعا بەرىلگەن نەسيەلەر نەبارى 3%-عا وسكەنىن كورىپ وتىرمىز, بۇل ينفلياتسيانى جانە باسقالاردى ەسەپكە العاندا. وسى كەزەڭدە جەكە تۇلعالارعا بەرىلگەن نەسيەلەر 2,5 ەسەگە ءوستى. ياعني, اڭگىمە سانداردىڭ ءارتۇرلى رەتى تۋرالى بولىپ وتىر», دەدى ماۋلەن اشىمباەۆ سەناتتىڭ جالپى وتىرىسىندا.
ونىڭ ايتۋىنشا, ستاۆكالار مەن سالىقتار وزگەرگەننەن كەيىن زاڭدى تۇلعالاردى نەسيەلەندىرۋ, شاعىن جانە ورتا بيزنەستى نەسيەلەندىرۋدىڭ ۇلعايۋى دا كورىنۋى كەرەك.
«ازىرگە ناتيجەلەر مۇنى كورسەتپەيدى. قازىر ءبىز تۇتىنۋشىلىق نەسيەلەۋدىڭ وسكەنىن تسيفرلاردان كورىپ وتىرمىز», دەدى م.اشىمباەۆ.
