بيىلعى قاڭتار - قىركۇيەك ايلارىندا ەلىمىزدە قارۋدى زاڭسىز الۋ, پايدالانۋ, وتكىزۋ جانە باسقا دا ارەكەتتەرگە بايلانىستى 2 مىڭ قىلمىستىق قۇقىق بۇزۋشىلىق تىركەلدى, بۇل ءبىر جىل بۇرىنعىدان 37,9 پايىزعا ارتىق.
قۇقىق بۇزۋشىلىقتاردىڭ كوپشىلىگى قارۋدى, وق-دارىلەردى, جارىلعىش زاتتاردى جانە جارىلعىش قۇرىلعىلاردى زاڭسىز الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ جۇرۋگە بايلانىستى.
ءجيى جاسالعان قۇقىق بۇزۋشىلىقتاردىڭ قاتارىنا قارۋدى زاڭسىز جاساۋ (418 جاعداي) جانە قارۋدى, وق-دارىلەر مەن جارىلعىش زاتتاردى جىمقىرۋ نەمەسە قورقىتىپ الۋ (141 جاعداي) كىردى.
قۇقىق بۇزۋشىلىقتىڭ كوپ بولىگى الماتىدا تىركەلگەن (72 ءىس, وتكەن جىلدىڭ ون ايىندا تەك 1 ءىس قانا بولعان).
مۇنداي قۇقىق بۇزۋشىلىقتار سانىنىڭ ايتارلىقتاي ءوسۋى جامبىل وبلىسىندا دا بايقالادى (13 جاعداي, بىلتىر 1 عانا جاعداي). ەلىمىزدەگى 20 ءوڭىردىڭ 14-دە عانا بۇل قۇقىق بۇزۋشىلىقتار تىركەلگەن.
بيىلعى قاڭتار - قىركۇيەك ايلارىندا قارۋدى زاڭسىز الۋ, پايدالانۋ, وتكىزۋ جانە وزگە دە ارەكەتتەرگە بايلانىستى قۇقىق بۇزۋشىلىقتار سالدارىنان كەلتىرىلگەن زالالدىڭ بەلگىلەنگەن مولشەرى 75,2 ملن تەڭگەنى قۇراپ, ءبىر جىل ىشىندە 22,3 ەسە ءوستى.
