بيىلعى قازان ايىنىڭ قورىتىندىسى بويىنشا تەمىرجول بيلەتى ءبىر جىلدا 19,6%, رەزەرۆتىك ۆاگوندار 20,6%, كۋپە ۆاگوندارى 17,8% قىمباتتاعان.
وڭىرلەر بويىنشا شىمكەنت قالاسىندا بيلەت باعاسىنىڭ ەڭ جوعارى ءوسىمى (جىلىنا 56,3 پايىزعا) بايقالدى. سونداي-اق جەتىسۋ (45 پايىزعا) جانە الماتى (32,3 پايىزعا) وبلىستارىندا, اقتوبەدە (پليۋس 4,9 پايىز), باتىس قازاقستان, ۇلىتاۋ جانە پاۆلودار وبلىستارىندا ازداپ وسكەن.
جىل باسىنان قىركۇيەك ايىنا دەيىن تەمىرجول كولىگىمەن بارلىعى 14,7 ميلليون جولاۋشى تاسىمالداندى. بۇل وتكەن جىلمەن سالىستىرعاندا 32,6 پايىزعا ارتىق.
كوبىنەسە پويىز قىزمەتىن ەلوردا تۇرعىندارى پايدالانعان. ودان كەيىن اقتوبە جانە قىزىلوردا وبلىستارى تۇر. ەڭ تومەنگى كورسەتكىشتەر باتىس قازاقستان وبلىسىندا بايقالدى.
سونىمەن قاتار جىلدىڭ ءۇش توقسانىندا تەمىرجول كولىگىمەن 306 ميلليون توننا جۇك پەن باگاج تاسىمالداندى. بۇل ءبىر جىل بۇرىنعىدان 0,4 پايىزعا از.
