Finprom.kz دەرەگى بويىنشا 2021 جىلدىڭ ۇقساس كەزەڭىندە ءبىلىم بەرۋ سالاسىنداعى ينۆەستيتسيالار 146,9 ملرد تەڭگەنى قۇرادى.
وڭىرلىك بولىنىستە ينۆەستيتسيالاردىڭ ەڭ كوپ كولەمى ءداستۇرلى تۇردە الماتى قالاسىندا بولدى: 61,7 ملرد تەڭگە. كوشباسشىلار ۇشتىگىنە تۇركىستان وبلىسى (33,9 ملرد تەڭگە) جانە شىمكەنت (22,3 ملرد تەڭگە) كىردى.
ەڭ تومەنگى كورسەتكىشتەر ۇلىتاۋ وبلىسىندا تىركەلدى: بارلىعى 337,7 ملن تەڭگە. انتيليدەرلەردىڭ ۇشتىگىنە قاراعاندى جانە اقتوبە وبلىستارى دا كىردى.
ءبىلىم بەرۋ سالاسىنداعى ينۆەستيتسيالاردىڭ ۇشتەن ەكىسىنە جۋىعى, ياعني 136,5 ملرد تەڭگە جەرگىلىكتى بيۋدجەت ەسەبىنەن قامتاماسىز ەتىلدى, بۇل وتكەن جىلمەن سالىستىرعاندا 64,9%-عا ارتىق.
بۇعان دەيىن ۇكىمەت ءبىلىم بەرۋدى دامىتۋدىڭ 2022-2026 جىلدارعا ارنالعان جاڭا تۇجىرىمداماسىن بەكىتتى. تۇجىرىمدامادا ءبىلىم بەرۋ ساپاسىن كەشەندى جاقسارتۋ بويىنشا بىرقاتار ءىس-شارا كوزدەلگەن. وسى رەتتە ءبىلىم بەرۋدەگى قىزمەتتەردى تسيفرلاندىرۋ, وقۋشى ورىندارىنىڭ جەتىسپەۋشىلىگىن جويۋ, ەرەكشە ءبىلىم بەرۋ قاجەتتىلىكتەرى بار بالالاردى قولداۋ, جاڭا فاكۋلتاتيۆتىك پاندەردى ەنگىزۋ جانە مەكتەپتەردە قوسىمشا سەكتسيالار اشۋ, تەحنيكالىق جانە كاسىپتىك ءبىلىم بەرۋدى دامىتۋ جانە باسقا دا جۇمىستار جالعاسادى.
