ە.سايروۆتىڭ ايتۋىنشا, قازىر ءماجىلىستىڭ بەيىندىك كوميتەتىندە «قر تۇڭعىش پرەزيدەنتى - ەلباسى تۋرالى» زاڭنىڭ كۇشىن جويۋ بويىنشا جۇمىس ءجۇرىپ جاتىر.
«دەپۋتاتتاردان «قر تۇڭعىش پرەزيدەنتى - ەلباسى تۋرالى» زاڭنىڭ كۇشىن جويۋ تۋرالى ماسەلە ءجيى سۇرالادى. قازىر بەيىندىك كوميتەتتە جۇمىس ءجۇرىپ جاتىر. جىل سوڭىنا دەيىن اتالعان زاڭ ءوزىنىڭ زاڭدى كۇشىن جويادى», دەدى ول.
ايتا كەتسەك, رەفەرەندۋمنان كەيىن كونستيتۋتسيادان ەلباسىعا قاتىستى تارماقتار الىنىپ تاستالعان.
«كونستيتۋتسيادا ەلباسىنىڭ ساياسي ءرولى نەمەسە باسقا دا ەڭبەگى تۋرالى ايتىلمايدى. قازىر كونستيتۋتسياعا سايكەس زاڭنامالىق اكتىلەردى كەلتىرۋ پروتسەسى ءجۇرىپ جاتىر. بۇل ۇدەرىستە «تۇڭعىش پرەزيدەنت – ەلباسى تۋرالى» زاڭ ءوزىنىڭ زاڭدى كۇشىن جوعالتادى», دەپ قوستى ەرلان سايروۆ.
ەسكە سالا كەتسەك, 2022 جىلعى 16 ماۋسىمدا پارلامەنت سەناتىنىڭ كۋلۋارىندا ادىلەت ءمينيسترى قانات مۋسين ەلباسىنىڭ وكىلەتتىگى تۋرالى كونستيتۋتسيالىق زاڭنىڭ جويىلاتىنىن مالىمدەگەن ەدى.
