«ۇلتتىق بانك بازالىق مولشەرلەمەنى 16%-عا دەيىن كوتەردى. بۇل ءوسىم نەسيە بويىنشا مولشەرلەمەنىڭ اۆتوماتتى تۇردە كوتەرىلەتىنىن جانە ولاردىڭ بيزنەس ءۇشىن ودان سايىن قولجەتىمسىز بولاتىنىن بىلدىرەدى. 2023 جىلى مەملەكەتتىك قارىزعا قىزمەت كورسەتۋگە قازاقستاننىڭ بۇكىل تاريحىنداعى رەكوردتىق 1,8 تريلليون تەڭگە جوسپارلانعان. ال بانكتەر وزدەرىنىڭ كوپ تريلليون دوللارلىق وتىمدىلىگىن ۇلتتىق بانكتىڭ نوتالارىنا ىڭعايلى ورنالاستىرىپ, جىلدىق 16% پايدا تابادى. دەپوزيتى بارلار سياقتى», دەدى امانجان جامالوۆ ءماجىلىستىڭ جالپى وتىرىسىندا.
ونىڭ ايتۋىنشا, ۇلتتىق بانك پەن ۇكىمەت باعانى ۇستاپ تۇرۋدىڭ ەكى پايداسىز ءتاسىلىنىڭ اينالاسىندا ءجۇر. بۇل بازالىق مولشەرلەمە جانە «اينالدىرۋ سحەماسى».
«بايلار بايىپ جاتىر, ال كەدەيلەر باعانىڭ وسۋىنە بايلانىستى كەدەيلەنە بەرەدى. ۇلتتىق بانك ءباسپاسوز حابارلامالارىندا بۇل ءوسىمنىڭ اسەرى ءبىر جىلدان ەكى جىلعا دەيىن كەشىگەتىنى ايتىلادى. ءىس جۇزىندە ول الداعى ەكى جىلدا بازالىق مولشەرلەمەنىڭ كوتەرىلۋى اعىمداعى ينفلياتسيانىڭ تومەندەۋىنە اسەر ەتپەيدى», دەپ اتاپ ءوتتى دەپۋتات.
