تۇركىستاندىق بەلسەندى جاريالاعان بەينەروليكتە اۋدان اكىمدىگىنىڭ قىزمەتكەرى ق.جاناليەۆ جەرگىلىكتى تۇرعىن گ.تيناليەۆاعا قاتىستى مادەنيەتسىزدىك تانىتىپ, دورەكى سويلەگەنىن كورۋگە بولادى.
«سايرام اۋدانىنىڭ اكىمدىگى حالىقپەن قالاي سويلەسۋ كەرەكتىگىن بىلە مە وزى؟ مەملەكەتتىك قىزمەت ەتيكاسىنا ساي كەلمەيتىن سوزدەرمەن ايەلدىڭ نامىسىنا ءتيىپ تۇرعانداي. وسى ۆيدەودان تۇيگەنىم: جاڭا قازاقستان سايرام اۋدانىنا ءالى كەلمەگەن سياقتى. حالىق وبلىس اكىمى تۇرماق, اۋدان اكىمىنىڭ ماڭىنا جولاي الماي جۇرگەندە, اشىقتىق تۋرالى اڭگىمە ايتۋدىڭ ءوزى ارتىق, دەپ جازدى ا.ايتاحانوۆا ەسىمدى قولدانۋشى.
اۋدان اكىمىنىڭ اپپاراتى ۆيدەو استىنا پىكىر قالدىرىپ ۇلگەرگەن.
«تۇركىستان وبلىسى اكىمى اپپاراتىمەن بەينەبايلانىس ارقىلى اۋدان اكىمىنىڭ قاتىسۋىمەن اپپاراتتىق ءماجىلىس وتكەن بولاتىن. اكىمدىك قىزمەتكەرى ق.جاناليەۆ پەن گ.تيناليەۆا اراسىنداعى ورىن العان ماسەلە بويىنشا قازاقستان رەسپۋبليكاسى مەملەكەتتىك قىزمەتشىلەردىڭ ادەپ كودەكسى تالاپتارىنا سايكەس ءتيىستى شارالار قابىلدانىپ, ناتيجەسى تۋرالى الداعى ۋاقىتتا حابارلاناتىن بولادى», دەلىنگەن تۇسىنىكتەمەدە.
