بۇگىن استانالىق اقمارال ناۋاتبەك الەم چەمپيوناتىنىڭ فينالىنا شىقتى. وسىلايشا جەرلەسىمىز پارادزيۋدو تاريحىندا كورۋ مۇشەسى زاقىمدالعان سپورتشىلار اراسىندا العاش رەت فينالعا شىققان قازاق قىزى اتاندى. جارتىلاي فينالدا تايپەيلىك لي كاي ءليندى جەڭگەن جەرلەسىمىز, فينالدا اۋريەرەس مارتينەتپەن كەزدەسەدى. اتاپ وتكەن ءجون, مارتينەت پاراليمپيادا ويىندارىنىڭ ەكى دۇركىن جۇلدەگەرى.
ءوز كەزەگىندە ەرلەر اراسىندا 73 كەلىدەگى جەرلەسىمىز ەرعالي شامەي اتى اڭىزعا اينالعان رۋمىنيالىق الەكساندرو بولوگادان باسىم ءتۇستى. تارتىستى جەكپە-جەكتى ەرعالي ۇستاۋ ادىسىمەن جەڭىپ, اقتىق سىنعا جولداما الدى.
سونىمەن قاتار وتانداسىمىز فەدوسوۆا دايانا مەن ولجاس ورازالى الەم چەمپيوناتىنىڭ قولاسى ءۇشىن كۇرەسەدى.
ەستەرىڭىزگە سالا كەتەيىك, باكۋدە كورۋ قابىلەتى تومەن سپورتشىلار اراسىنداعى الەم چەمپيوناتى 11 قاراشاعا دەيىن جالعاسادى. الەمنىڭ 40-تان استام ەلىنەن 300-دەن اسا سپورتشى باق سىناپ جاتقان بايراقتى باسەكەدە ەل نامىسىن 18 پارادزيۋدوشى قورعاۋدا. ونىڭ ەكەۋى استانا قالاسىنىڭ سپورتشىلارى.
