«وبلىستا كاسىپكەرلىكتى دامىتۋ ءۇشىن دە زور مۇمكىندىكتەر بار. سوڭعى جىلدارى شاعىن جانە ورتا بيزنەستىڭ ىشكى وڭىرلىك ونىمدەگى ۇلەسى 32 پايىزعا جەتتى. وسى سالادا 140 مىڭعا جۋىق ادام جۇمىسپەن قامتىلعان. وڭدەۋ ونەركاسىبى, تۋريزم, ساۋدا, سونداي-اق ءبىلىم بەرۋ جانە مەديتسينا سالاسىندا كاسىپكەرلەر سانى ارتىپ كەلە جاتقانى قۋانتادى. ياعني, وبلىس ەكونوميكاسى ءارتاراپتانا باستادى دەۋگە بولادى. ايماقتاعى شاعىن جانە ورتا بيزنەستى دامىتۋعا «مەن – كاسىپكەرمىن» جوباسى تىڭ سەرپىن بەرەرى انىق», دەپ اتاپ ءوتتى مەملەكەت باسشىسى.
پرەزيدەنتتىڭ ايتۋىنشا, «كاسىپكەرلىكتى دامىتۋ» ۇلتتىق جوباسى اياسىندا وسى ايماقتىڭ شاعىن جانە ورتا بيزنەس وكىلدەرىنە كومەك كورسەتىلۋگە ءتيىس.
«جالپى, اكىمدىك ۇكىمەتتىڭ قولداۋىمەن بيزنەستى ىنتالاندىراتىن جاڭا شارالار ازىرلەۋى كەرەك», دەپ قوستى قاسىم-جومارت توقاەۆ.
