«ALEM SAZ» – كوپتەگەن ەلدىڭ مادەنيەتىن ارتىستەردىڭ كەرەمەت شىعارماشىلىق ىنتىماقتاستىعى ارقىلى ءبىر پلاتفورمادا بىرىكتىرەتىن حالىقارالىق فەستيۆال. جوبا قازاقستان مەن الەمنىڭ 76 ەلى اراسىنداعى ديپلوماتيالىق قاتىناستاردىڭ 30 جىلدىعىنا, ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ قۇرىلعانىنا 30 جىل تولۋىنا وراي جانە قازاق حالقىنىڭ اڭىزعا اينالعان ءانشىسى جانە قازاقستان مەن كسرو-نىڭ ەڭبەك سىڭىرگەن ءارتىسى روزا باعلانوۆانىڭ 100 جىلدىعىن مەرەكەلەۋ اياسىندا ۇيىمداستىرىلدى.
«ALEM SAZ» حالىقارالىق فەستيۆالى بىرلىككە, ۇلتتىق مادەنيەتتى ساقتاۋ جانە دامىتۋ, تاريحي مۇراعا جانە مادەنيەتكە قۇرمەت اتموسفەراسىن قالىپتاستىرۋعا, شىعارماشىلىق ۇدەرىستەگى الەمنىڭ ءتۇرلى ەلدەرىنىڭ قۇندىلىقتارىن ساقتاۋعا باعىتتالعان.
فەستيۆال بارىسىندا شەتەلدىك ارتىستەردىڭ قويىلىمدارى, قاتىسۋشى ەلدەردىڭ فيلمدەرى كورسەتىلەدى, ساندىك-قولدانبالى ونەر مەن گاسترونوميالىق ونىمدەردىڭ كورمەلەرى ۇسىنىلادى, شەبەرلىك ساباقتارى وتەدى.
ءىس-شارانى قازاقستان رەسپۋبليكاسىنىڭ مادەنيەت جانە سپورت, سىرتقى ىستەر, اقپارات جانە الەۋمەتتىك دامۋ مينيسترلىكتەرىنىڭ, سونداي-اق قازاقستانداعى شەتەلدىك ديپلوماتيالىق وكىلدىكتەردىڭ, استانا قالاسىنىڭ اكىمدىگىنىڭ قولداۋىمەن روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمى ۇيىمداستىرىپ وتىر.
