«مەن سىزگە ناقتى مەرزىم ايتا المايمىن, ويتكەنى بىرقاتار ءىس ءالى دە الدىن الا تەرگەۋ ورگاندارىنىڭ وندىرىسىندە جاتىر. اۋىر جانە اسا اۋىر قىلمىستار تۋرالى ىستەر بويىنشا تەرگەۋ شارالارى تولىعىمەن جۇرگىزىلەدى. ءىس سوتقا جىبەرىلەدى, سوت بۇل ءىستى قارايدى جانە تەك ۇكىم شىعارىلعان كەزدە عانا سوت راقىمشىلىق اكتىسىن قولدانادى. «راقىمشىلىق تۋرالى» زاڭدا وسىنداي نورما بار, ۋاكىلەتتى ورگاندار التى اي ىشىندە بارلىق ۇيىمداستىرۋشىلىق شارالاردى قابىلداۋى ءتيىس», دەدى اسەت شىنداليەۆ سەناتتىڭ جالپى وتىرىسىندا.
ونىڭ ايتۋىنشا, سوت مۇنداي ىستەردى ءبىر اي ىشىندە قاراۋعا قۇقىلى.
«ەگەر ادامدى باس بوستاندىعىنان ايىرۋ ۇكىمى شىعارىلسا, مەكەمە اكىمشىلىگى نەمەسە ادامنىڭ ءوزى سوتقا راقىمشىلىق جاساۋ اكتىسىن قولدانۋ تۋرالى ءوتىنىشحات جىبەرەدى. زاڭ بويىنشا سوت ونى ءبىر اي مەرزىمدە قاراۋى مۇمكىن. سودان كەيىن سوت شەشىم شىعارادى. ەگەر ادام ورتاشا جانە جەڭىل ىستەر بويىنشا سوتتالعان بولسا, ول جازادان بوساتىلادى. بۇل جاعدايدا ول بىردەن بوساتىلۋى مۇمكىن. ەگەر جازا مەرزىمى قىسقارتىلسا, وندا ول قالعان مەرزىمىن وتەۋى كەرەك», دەپ قوستى باس پروكۋراتۋرا وكىلى.
