ماسەلەن, وسى جىلدىڭ ناۋرىز-ماۋسىم ايلارى ارالىعىندا ر.ە. گۋليەۆ دەگەن ازامات تاۋاردىڭ ساپاسى مەن شىعۋ تەگىن راستايتىن قۇجاتتارسىز تەمەكى ءونىمىن ساتىپ العان. ونى استانادا ء«امىر» بازارىنىڭ اۋماعىندا, اقمولا وبلىسىنىڭ اقكول قالاسىندا جالپى سوماسى 775 000 تەڭگەگە ساتقان.
«كونترافاكتىلى تەمەكى بۇيىمدارى بار اۆتوكولىك تاۋاردى استانادان ەرەيمەنتاۋ قالاسىنا دەيىن تاسىمالداۋ كەزىندە ۇستالدى. جوسپار بويىنشا ول ونى بولشەك ساۋدا دۇكەندەرى ارقىلى وتكىزبەك بولعان. كولىك قۇرالىن تەكسەرۋ بارىسىندا جالپى سانى 34 500 قوراپ تەمەكى بۇيىمدارى تابىلدى», دەلىنگەن ۆەدومستۆو حابارلاماسىندا.
وڭىرلىك مكد قورىتىندىسىنا سايكەس, تاركىلەنگەن 37 150 قوراپ اكتسيزدەلۋگە ءتيىس تەمەكى ونىمدەرىنىڭ جالپى قۇنى 22 ملن تەڭگەگە جۋىق سومانى قۇرايدى. سوت ۇكىمىمەن ر. ە. گۋليەۆكە 1 جىل باس بوستاندىعىن شەكتەۋ تۇرىندەگى جازا تاعايىندالدى.
