اتاپ ايتقاندا, قاڭتار-قىركۇيەك ايلارى ارالىعىندا جيھاز ونەركاسىبىنە 3 ميلليارد تەڭگەدەن استام ينۆەستيتسيا سالىنعان. بۇل وتكەن جىلدىڭ سايكەس كەزەڭىمەن سالىستىرعاندا 63 پايىزعا ارتىق.
ينۆەستيتسيا جاڭا جوبالار مەن جۇمىس ىستەپ تۇرعان كاسىپورىنداردى ودان ءارى دامىتۋعا باعىتتالعان. ماسەلەن, بيىل شىمكەنت قالاسىندا جيھاز وندىرەتىن «Mega Smart B2B» جشس ىسكە قوسىلسا, سولتۇستىك قازاقستان وبلىسىندا «ساپا ينۆەست پليۋس» جشس جيھاز ونەركاسىبى ءۇشىن شيكىزات كومپونەنتتەرىن شىعارۋ كاسىپورنى پايدالانۋعا بەرىلدى.
«وڭىرلەر اراسىندا جيھاز ونىمدەرىن شىعارۋ بويىنشا جەتەكشى ورىندى الماتى قالاسى الادى. مەگاپوليستە جيھاز ءوندىرىسىنىڭ كولەمى 13,3 ملرد تەڭگەنى قۇرايدى. شاھار اۋماعىندا وسى سالاداعى بارلىق جۇمىس ىستەپ تۇرعان كاسىپورىنداردىڭ 30 پايىزى شوعىرلانعان. سونداي-اق جيھاز ءوندىرىسى بويىنشا كوشباسشىلار قاتارىندا الماتى (3,5 ملرد تەڭگە), قاراعاندى (3,4 ملرد تەڭگە) جانە پاۆلودار (3,4 ملرد تەڭگە) وبلىستارى كىرەدى», دەلىنگەن قر يدم ءباسپاسوز قىزمەتى تاراتقان حابارلامادا.
وتكەن جىلى قازاقستاندا جيھاز ونىمدەرىن تۇتىنۋ نارىعى 221 ميلليارد تەڭگە كولەمىندە پايدا اكەلدى. ساراپشىلار بۇنى حالىق سانىنىڭ وسۋىمەن, كوشى-قون, كىرىستىڭ ۇلعايۋى, ينفراقۇرىلىمنىڭ كەڭەيۋى, سونداي-اق جاڭا تۇرعىن ءۇي جوبالارى مەن كوممەرتسيالىق ءۇي-جايلار قۇرىلىسىنىڭ وسۋىمەن بايلانىستىرىپ وتىر.
