كوميتەت توراعاسى ناريمان تورەعاليەۆ دوڭگەلەك ۇستەل پرەزيدەنتتىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىن ىسكە اسىرۋ اياسىندا ءوتىپ جاتقانىن اتاپ ءوتتى.
«كەزدەسۋىمىزدىڭ نەگىزگى ماقساتى – ەلىمىزدەگى دەنساۋلىق ساقتاۋ سالاسىنداعى عىلىم, ءبىلىم جانە ەمدەۋ تاجىريبەسىن دامىتۋدىڭ قازىرگى جاعدايى مەن وزەكتى ماسەلەلەرىن تالقىلاۋ. مەديتسينا دامۋىنىڭ قازىرگى كەزەڭىندە كاسىپتىك ءبىلىم بەرۋدە پروبلەمالار بار ەكەنى انىق. مەملەكەت باسشىسى دەنساۋلىق ساقتاۋ جۇيەسىنە كادرلار دايارلاۋ ماسەلەسىنىڭ ماڭىزدىلىعىنا ەرەكشە نازار اۋدارىپ وتىر, ويتكەنى دارىگەرلەردى دايارلاۋ ساپاسى مەملەكەتتىك ساياساتتىڭ ماڭىزدى باسىمدىعى سانالادى», دەپ اتاپ ءوتتى سەناتور.
وتىرىسقا قاتىسۋشىلار دارىگەرلەردى وقىتۋ مەن بىلىكتىلىگىن ارتتىرۋعا نازار اۋدارا وتىرىپ, دەنساۋلىق ساقتاۋ سالاسىنىڭ نەگىزگى پروبلەمالىق ماسەلەلەرىن تالقىلادى. دەنساۋلىق ساقتاۋ, سونداي-اق عىلىم جانە جوعارى ءبىلىم مينيسترلەرىنىڭ ورىنباسارلارى, ۋنيۆەرسيتەتتەردىڭ رەكتورلارى سالانى دامىتۋ تۋرالى ءوز ويلارىن ورتاعا سالدى. دەنساۋلىق ساقتاۋ سالاسىنىڭ مەملەكەتتىك ورگاندارى مەن مۇددەلى ۇكىمەتتىك ەمەس ۇيىمداردىڭ ءبارى كەزدەسۋگە قاتىستى.
ناريمان تورەعاليەۆ دوڭگەلەك ۇستەلدى قورىتىندىلاي كەلىپ, تالقىلاۋعا بەلسەندى قاتىسقاندارعا العىس ءبىلدىردى جانە كەزدەسۋ بارىسىندا كوتەرىلگەن بارلىق ۇسىنىستار قاراستىرىلاتىنىن اتاپ ءوتتى. سەناتور بۇل پروبلەمالىق ماسەلەلەر ۇكىمەتتىڭ جوسپارلانعان ساعاتىندا دا قارالاتىنىن ايتتى.
