«قىزىلجار سۋ» جشس سۋمەن جابدىقتاۋ ۇيىمىنىڭ باس ديرەكتورى جەڭىس سۇلتانوۆ جاقىن ارادا شەشىمىن تابۋدى قاجەت ەتەتىن ماسەلەلەردىڭ قاتارىندا, اسىرەسە, جەكەمەنشىك يگەرىلگەن اۋماقتاردا ورتالىقتاندىرىلعان كارىز جەلىلەرىن كەڭەيتۋدى اتادى.
«تۇرعىن ۇيلەرگە سۋ تارتۋدىڭ ارتۋى بايقالادى, بىراق كارىز جوق. ەڭ جاقسى جاعدايدا سەپتيكتەر سالىنىپ جاتىر. مۇنىڭ بارلىعى جەر استى سۋلارىنىڭ كوتەرىلۋىنە جانە اۋماقتاردىڭ باتپاقتانۋىنا اكەلىپ سوعادى», دەدى جەڭىس سۇلتانوۆ.
قالا اكىمى رۋسلان انباەۆ ماسەلەمەن كەلىسىپ, سۋلى-باتپاقتى جەرلەردى جان-جاقتى زەرتتەۋگە نيەتتى ەكەنىن جەتكىزدى. اكىمنىڭ ايتۋىنشا, تەحنيكالىق تاپسىرما دايىن. وتكەن جىلى كونكۋرس جاريالاندى, بىراق بۇل جۇمىستى اتقارۋعا نيەتتىلەر بولمادى.
ء«بىز الماتىلىق ماماندارعا حابارلاستىق. قالا اۋماعىنا ىرگەلەس جاتقان سۋلى-باتپاقتى جەرلەردى نوسەر اعىندارىن ورناتۋ ءۇشىن جوبانى دايىنداۋعا كونكۋرس وتكىزەمىز. الداعى ۋاقىتتا سۋ سورعى ستانتسيالارىنا جىبەرىلەتىن بولادى», دەدى ر.انباەۆ.
جوسپارلاردى وبلىس اكىمى قۇمار اقساقالوۆ قولدادى. ول قازىر الداعى ءۇش جىلدىڭ بيۋدجەتى قاراستىرىلىپ جاتقانىن, وندا سۋلى-باتپاقتى جەرلەردى قۇرعاتۋعا كەتەتىن شىعىن دا قاراستىرىلۋى ءتيىس ەكەنىن ايتتى.
«قالانىڭ اينالاسىنداعى يندۋستريالىق ايماق داميدى. ءبىز اۋماقتى كەپتىرۋىمىز كەرەك. «قازۋ» ىقشام اۋدانى تۇرعىزىلا باستادى, ول جەر باتپاقتى بولعاندىقتان سۋدى اعىزۋ قاجەت. سۋ جينالاتىن جەرلەر كوپ», دەدى ق.اقساقالوۆ.
