جيىن بارىسىندا ۇمىتكەردىڭ سايلاۋالدى باعدارلاماسى تانىستىرىلىپ, الەۋمەتتىك سالا, ءبىلىم بەرۋ مەن بالا تاربيەسى جايلى وزەكتى سۇراقتار كوتەرىلدى.
«بالالار قاۋىپسىزدىگى باستى نازاردا بولۋى كەرەك. بالالاردىڭ جاعدايىن جاساۋ ءۇشىن كۇندىز-ءتۇنى جۇمىس ىستەيتىن اتا-انالار بار. بىراق ولار كوپ جاعدايدا بالالارىن قالدىرىپ كەتەتىن جەر تابا الماي قينالادى. سوندىقتان تاۋلىك بويى جۇمىس ىستەيتىن بالاباقشالار اشۋ كەرەك. سايلاۋشىلار تاراپىنان بۇل ماسەلە قولداۋ تاپتى. تاۋلىك بويى جۇمىس ىستەيتىن بالاباقشالاردى مەملەكەتتىك بالاباقشالاردىڭ نەگىزىندە اشىپ, جۇمىس ۋاقىتىن ۇزارتۋ ارقىلى ىسكە قوسۋعا بولادى. بۇل شەشىمنىڭ بىردەن-ءبىر ارتىقشىلىعى – ماسەلە شەشىمى ۇلكەن قاراجات جۇمساۋدى قاجەت ەتپەيدى», دەدى ق.ابدەن.
بۇدان بولەك, جيىندا بالالاردىڭ بويىنا ۇلتتىق قۇندىلىقتاردى ءسىڭىرۋ, وتباسىلىق تاربيە تۋرالى ءسوز قوزعالدى. ۇمىتكەردىڭ ايتۋىنشا, اتالعان ماسەلەلەر ونىڭ سايلاۋالدى باعدارلاماسىندا دا كورىنىس تاپقان.
قاراقات ابدەن ەلىمىزدىڭ 10-عا جۋىق وڭىرىندە سايلاۋالدى كەزدەسۋلەرىن وتكىزدى. رەسپۋبليكا بويىنشا ۇمىتكەردىڭ 20 شتابى, سونداي-اق ەرىكتىلەر دە بەلسەندى جۇمىس اتقارىپ جاتىر. سايلاۋشىلار الەۋمەتتىك سالا, ءبىلىم بەرۋ, زەينەتكەرلەردى قولداۋ, قولجەتىمدى باسپانا سياقتى وزەكتى سۇراقتار بويىنشا ءوز ۇسىنىستارىن بىلدىرۋدە.
