فوتو: ۆيدەودان الىنعان كادر
تەرگەۋ بارىسىندا بەلگىلى بولعانداي, كۇدىكتى مەشىتكە كەلىپ, سورەدەن قۇنى 175 مىڭ تەڭگە تۇراتىن اياق كيىمدى ۇرلاپ كەتكەن. ال ءوزىنىڭ اياق كيىمىن سول ورىندا قالدىرعان. جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى بەينەباقىلاۋ كامەرالارىنىڭ كومەگىمەن كۇدىكتىنىڭ جەكە باسىن انىقتاپ, ونى قىسقا مەرزىمدە ۇستادى. ۇرلانعان اياق كيىم تاركىلەنىپ, يەسىنە قايتارىلدى.
اتالعان ىسكە قاتىستى سوتقا دەيىنگى تەرگەپ-تەكسەرۋ باستالعان. قازىر كۇدىكتىنىڭ وسىعان ۇقساس باسقا دا قۇقىق بۇزۋشىلىقتارعا قاتىسى بار-جوعى تەكسەرىلىپ جاتىر.
