«بۇگىن ءبىز «پەداگوگ مارتەبەسى تۋرالى» زاڭنىڭ وڭ اسەرىنىڭ كۋاسى بولىپ وتىرمىز. پرەزيدەنتتىڭ قولداۋىنىڭ ارقاسىندا مۇعالىمدەردىڭ جالاقىسى كوتەرىلدى جانە 2023 جىلدىڭ قاڭتارىنان باستاپ تاعى 25 پايىزعا وسەدى», دەدى اسحات ايماعامبەتوۆ ۇكىمەت وتىرىسىندا.
سونىمەن قاتار مۇعالىمدەردىڭ كاسىبي قۇزىرەتتىلىگىن ارتتىرۋعا ەرەكشە كوڭىل بولىنەدى.
«2021 جىلدان باستاپ پەداگوگيكالىق جۇمىسقا قابىلداۋ ءۇشىن اتتەستاتتاۋ ەنگىزىلدى. ياعني, جۇمىسقا تۇرۋ ءۇشىن ەندى ءبىر عانا ديپلوم جەتكىلىكسىز, ءپانىڭىز بەن ادىستەمەڭىز بويىنشا تەستىلەۋدەن ءوتۋ قاجەت. 2023 جىلدان باستاپ بىلىكتىلىكتى ارتتىرۋ كۋرستارىنىڭ كەزەڭدىلىگى وزگەرەدى. قازىر بۇل بەس جىلدا ءبىر ەمەس, ءۇش جىلدا ءبىر رەت بولادى. كۋرستاردىڭ مازمۇنى دا, سيپاتى دا وزگەرۋدە», دەدى ول.
ءمينيستردىڭ ايتۋىنشا, ديرەكتورلاردىڭ كادرلىق رەزەرۆى جاساقتالۋدا. ءبىلىم بەرۋ ۇيىمدارىنىڭ ديرەكتورلارىن روتاتسيالاۋ تەتىگىن ىسكە اسىرۋ جالعاسىپ جاتىر. بىلىكتى كادرلاردى دايىنداۋ جانە ولاردىڭ بىلىكتىلىگىن ارتتىرۋ ءۇشىن «مۇعالىم» جاڭا كاسىبي ستاندارتى ەنگىزىلەدى.
