ماراپاتتاۋ ءراسىمىنىڭ الدىندا باق سالاسىنىڭ ارداگەرلەرى, تىلشىلەر قاۋىمى مەن ءىس-شارا قوناقتارى قىزىل كىلەممەن ءجۇرىپ ءوتتى.
ايتا كەتسەك, ۇلتتىق سىيلىق جۋرناليستەرگە باسپا, راديو, ينتەرنەت-جۋرناليستيكا سالاسىنداعى ۇزدىك جەتىستىكتەرى ءۇشىن بەرىلەدى. سونداي-اق اتالعان سىيلىق ەلىمىزدە مۋلتيمەديالىق جۋرناليستيكانى دامىتۋعا ىقپال ەتۋ, جۋرناليستيكا مارتەبەسىن ارتتىرۋ, كاسىبي ستاندارتتار مەن كريتەريلەردى بەكىتۋ, قوعامنىڭ ازاماتتىق بەلسەندىلىگىن ارتتىرۋعا باعىتتالعان.
بيىل بايقاۋ 13 نوميناتسيا بويىنشا وتكىزىلىپ, 52 نومينانت ىرىكتەلدى.
ۇزدىكتەردى ارنايى قۇرىلعان كوميسسيا انىقتادى. كوميسسيا قۇرامىنا ەلىمىزدىڭ مەديا سالاسىنىڭ دامۋىنا ەلەۋلى ۇلەس قوسقان تانىمال مەديا مەنەدجەرلەر, جۋرناليستەر, قوعام قايراتكەرلەرى كىردى. جەڭىمپازدارعا 1 000 000 تەڭگە جانە ارنايى ەستەلىك مۇسىنشە تابىستالدى.
وسىلايشا,
«جىلدىڭ ۇزدىك سۇحباتى» نوميناتسياسىنىڭ جەڭىمپازى - ايا ءومىرتاي – Halyq-uni.
«جىلدىڭ ۇزدىك رەپورتاجى» نوميناتسياسىنىڭ جەڭىمپازى - انار قونىس – Aikyn.kz.
«الەۋمەتتىك تاقىرىپتاعى ۇزدىك ماتەريال» نوميناتسياسىنىڭ جەڭىمپازى - نايما ءنۇرالى – Halyq-uni.kz.
«جىلدىڭ ۇزدىك جۋرناليستىك زەرتتەۋى» نوميناتسياسىنىڭ جەڭىمپازى - قازبەك قۇتتىمۇرات ۇلى – «Egemen Qazaqstan» رەسپۋبليكالىق گازەتى.
«جىلدىڭ ۇزدىك اناليتيكالىق ماتەريالى» نوميناتسياسىنىڭ جەڭىمپازى - ۆالەنتينا قوزىباقوۆا – «ماڭعىستاۋ» گازەتى.
«حالىقارالىق تاقىرىپتاعى ۇزدىك ماتەريال» نوميناتسياسىنىڭ جەڭىمپازى - ساۋلە يساباەۆا – Qmonitor.kz.
«جىلدىڭ ۇزدىك جاڭالىقتار پورتالى» نوميناتسياسىنىڭ جەڭىمپازى - Zakon.kz.
«راديوستانتسياداعى ۇزدىك جوبا» نوميناتسياسىنىڭ جەڭىمپازى - «وي-ءتۇيىن» – Qazaq radiosy.
«جىلدىڭ ۇزدىك فوتوسۋرەتى» نوميناتسياسىنىڭ جەڭىمپازى - مەيىربەك تاجكۋرانوۆ – Zakon.kz.
«ۇزدىك وڭىرلىك باق» نوميناتسياسىنىڭ جەڭىمپازى - «Saryarqa samaly» گازەتى.
سونداي-اق باتىر قازىباەۆ اتىنداعى ارنايى پرەميا يەگەرى - ايگەرىم بەگىمبەت – ەrnur.kz.
احمەت بايتۇرسىنوۆ اتىنداعى ارنايى پرەميا يەگەرى - «قىرعىز ادەبيەتى» جوباسى – «تاڭ-شولپان» جۋرنالى.
شەرحان مۇرتازا اتىنداعى ارنايى پرەميا يەگەرى - قالي سارسەنباي – «انا ءتىلى» گازەتى.
بايقاۋ ۇيىمداستىرۋشىلارى – اقپارات جانە قوعامدىق دامۋ مينيسترلىگى جانە «مەديا دامىتۋ قورى» كورپوراتيۆتىك قورى. ءىس-شارانىڭ دەمەۋشىلەرى – «قازاقستان» رترك جانە «حابار «اگەنتتىگى» اق.
