سوڭعى جىلدارى سىرداريا وزەنىنىڭ ارناسى تارتىلىپ, وبلىستىڭ ەكولوگيالىق جانە الەۋمەتتىك-ەكونوميكالىق جاعدايى كۇردەلەنىپ وتىر. سۋدىڭ تاپشىلىعى, اسىرەسە كۇرىش شارۋاشىلىعىنا كەرى اسەرىن تيگىزىپ وتىر.
«كوكتەم كەلسە, كەتپەنىن سايلاپ ەگىن ەگۋگە كىرىسەتىن ديقان قاۋىمىنىڭ كوڭىلى الاڭ. سۋ تاپشىلىعى ماسەلەسى جايباراقاتتىقتى كوتەرمەيدى. قامسىز ەگىن ەگىپ, سۋ جەتپەي جاتسا, ەڭبەكتىڭ ەش كەتكەنى ەمەس پە؟! سوندىقتان ءبىز سۋ تاپشىلىعى ماسەلەسىن مەملەكەتتىك دەڭگەيدە شەشۋىمىز كەرەك. اۋىل شارۋاشىلىعى سالاسىن ءارتاراپتاندىرۋ جايى كوپتەن بەرى ايتىلىپ كەلەدى. دەگەنمەن بۇل ىسكە بىلەك سىبانا كىرىسەتىن كەز ەندى كەلگەندەي. سەبەبى تەك ءبىر عانا كۇرىش ەگۋمەن ەڭبەكشى ەلدىڭ نەسىبەسى ارتىپ, ەل قامباسىنىڭ توق بولمايتىنى ايقىن سەزىلە باستادى», دەدى ج.دايراباەۆ.
كانديدات عىلىم مەن وندىرىستە ۇندەستىك كەرەكتىگىنە باسا نازار اۋداردى. اسىرەسە سۋارمالى جۇيەگە نەگىزدەلگەن ءوڭىر ءۇشىن قازىرگىدەي سۋ تاپشىلىعى جاعدايىندا بۇل وتە ماڭىزدى. كانديداتتىڭ باستامالارىن قولداعان شارۋالار مەن عالىمدار الداعى ۋاقىتتا جۇزەگە اساتىن جوبالارعا بىرلەسە ارەكەت ەتىپ, بارلىق تاراپ ءۇشىن وڭتايلى شەشىم قابىلداۋعا دايىن ەكەندىگىن جەتكىزدى.
