مەديتسينا • 27 قازان، 2022

181 بالادا رەتينوپاتيا بارى انىقتالدى

49 رەت كورسەتىلدى

وفتالمولوگيالىق سكرينينگ جاسايتىن زاماناۋي دياگنوستيكالىق قۇرال-جابدىقتارعا قول جەتكىزگەن ەلىمىزدەگى 10 پەريناتالدىق ورتالىق بيىلعى جارتى جىلدا جاڭا تۋعان 1265 نارەستەنىڭ كوزىن تەكسەرىپ، 181 بالادا رەتينوپاتيا بار ەكەنىن انىقتاعان، دەپ حابارلايدى Egemen.kz.

وسىلايشا وتاندىق وفتالمولوگ-دارىگەرلەر AYALA قق ساتىپ اپەرگەن جابدىقتاردىڭ كومەگىمەن كوز تورىنىڭ لازەركواگۋلياتسياسىن جاساپ، توعىز بالانىڭ كورۋ قابىلەتىن ساقتاپ قالدى.

قازاقستاندىق دارىگەرلەردىڭ مالىمەتىنە سۇيەنسەك، ايى-كۇنى جەتپەي تۋعان نارەستەلەردىڭ 40% جۋىعى كورۋ قابىلەتى قايتىپ قالپىنا كەلمەيتىن كەسەلگە دۋشار بولادى.

سىرتتاي قاراعاندا رەتينوپاتيانىڭ بەلگىلەرى كورىنبەيدى. تەك مامانداندىرىلعان جانە ارناۋلى ءبىلىمى بار وفتالمولوگتار عانا وفتالموسكوپ كومەگىمەن ونىڭ بەلگىلەرىن ەرتە انىقتاي الادى.

2022 جىلعا دەيىن قازاقستاننىڭ پەريناتالدىق ورتالىقتارىن رەتينوپاتيانىڭ ەرتە سكرينينگىنە ارنالعان جابدىقتارمەن جابدىقتاۋ وڭايعا تۇسپەگەن. ول تەك 4 ورتالىقتا عانا بار بولدى. وعان قوسا قر دەنساۋلىق ساقتاۋ مينيسترلىگى بەكىتكەن رەتينوپاتيانىڭ كۇرت دامىعان ءتۇرىن ينەكتسيالىق ەمدەيتىن كلينيكالىق حاتتامانىڭ بولماۋى دا جاعدايدى ۋشىقتىرىپ، سونىڭ سالدارىنان سوقىر بولىپ قالاتىن بالالار سانى جىل سايىن كوبەيە تۇسكەن ەدى.

ۆ

وسىنداي كۇردەلى ماسەلەنى شەشۋگە 2021 جىلدىڭ قازان ايىندا AYALA قايىرىمدىلىق قورىنىڭ نەگىزىن قالاعان ءارى پرەزيدەنتى ايدان سۇلەيمەنوۆا ارالاسىپ، قر دەنساۋلىق ساقتاۋ ۆيتسە-ءمينيسترى جاندوس بۇركىتباەۆپەن بىرقاتار كەزدەسۋ وتكىزگەن ەدى. وعان قوسا قر دەنساۋلىق ساقتاۋ مينيسترلىگى انا مەن بالا دەنساۋلىعىن قورعاۋ دەپارتامەنتىنىڭ باسشىسى ماعريپا ەمبەرگەنوۆامەن بىرگە قازاقستاندىق پەريناتالدىق ورتالىقتاردىڭ جاڭا تۋعان نارەستەلەردىڭ وفتالمولوگيالىق سكرينينگىنە ارنالعان جابدىقتارعا، سونداي-اق كادرلارعا دەگەن قاجەتتىلىكتەرىنە جان-جاقتى تالداۋ جۇرگىزىلىپتى.

«قازاقستاندا شالا تۋعان نارەستەلەر دۇنيەگە كەلەتىن 42 پەريناتالدىق ورتالىقتا بالالاردىڭ رەتينوپاتياسىن انىقتاۋ ءۇشىن وفتالمولوگيالىق سكرينينگ جۇرگىزە الاتىن نەبارى 23 وفتالمولوگ بار. ءبىز سكرينينگتىك جابدىقتارمەن قوسا، ەڭ الدىمەن ارناۋلى ماماندار جۇمىس ىستەيتىن ورتالىقتاردى قامتاماسىز ەتۋ كەرەكتىگىن تۇسىندىك. سوندىقتان ەكى دەمەۋشىمەن بىرگە 11 پەريناتالدىق ورتالىققا جانە اتىراۋ قالاسىنداعى وبلىستىق وفتالمولوگيالىق اۋرۋحانانى نازارعا الدىق. ناتيجە ءبىزدىڭ بولجامدارىمىزدان دا اسىپ ءتۇستى – التى ايدا كوزىندە كەسەلى بار سابيلەر سانى 1200-دەن استى. سونىمەن قاتار، سكرينينگ رەتينوپاتيادان باسقا دا كوز كىناراتتارىن انىقتاۋعا سەپتەستى. مىسالى، اتىراۋدا 136 بالانىڭ 74-ىندە رەتينوپاتياعا جاتپايتىن، بىراق ايتارلىقتاي اۋىتقۋ انىقتالدى. كوز پاتولوگياسىن ەرتە انىقتاۋ دارىگەرلەرگە دە ەمدى ەرتە، اسقىندىرماي باستاۋعا جانە بالالاردىڭ جاقسى كورۋ قابىلەتتەرىن ساقتاۋعا كومەكتەستى. بۇل قايىرىمدىلىق قورى، دەنساۋلىق ساقتاۋ مينيسترلىگى مەن مەملەكەتتىك مەديتسينالىق ورتالىقتاردىڭ ءوزارا جەمىستى ارەكەتىنىڭ ناتيجەسى»، دەيدى AYALA قايىرىمدىلىق قورىنىڭ پرەزيدەنتى ايدان سۇلەيمەنوۆا.

جوعارىداعى وفتالموسكوپتاردان بولەك، اقتوبە، سەمەي جانە تاراز قالالارىنداعى وبلىستىق پەريناتالدىق ورتالىقتارىنداعى AYALA قورىنىڭ بوكستارى ارقىلى جينالعان قاراجاتقا رەتينوپاتيامەن تۋعان نارەستەلەردىڭ كوز تورىن لازەركواگۋلياتسيالاۋ وتاسىن جۇرگىزۋگە ارنالعان اپپاراتتار ورناتىلعانىن ايتا كەتۋ كەرەك. 52 ميلليون تەڭگەدەن استام سوماعا ساتىپ الىنعان، تاجىريبەلى حيرۋرگ-وفتالمولوگتاردىڭ قولىنا تۇسكەن بۇل اپپاراتتار جاڭا تۋعان 9 نارەستەنىڭ كوزىن ساقتاپ قالۋعا كومەكتەستى.

وعان قوسا وسى قىركۇيەك ايىندا دەنساۋلىق ساقتاۋ مينيسترلىگى جاڭا تۋعان نارەستەلەرگە «لۋتسەنتيس» پرەپاراتىن ينتراۆيترەالدى ەنگىزۋ جونىندەگى كلينيكالىق حاتتامانى بەكىتتى. وفتالمولوگ دارىگەرلەر بۇل شەشىم قازاقستاندا شالا تۋعان نارەستەلەردىڭ رەتينوپاتياسىن ناتيجەلى ەمدەۋگە سەرپىن بەرە  الادى دەپ وتىر.

«بىرنەشە جىل بۇرىن عانا قازىرگى قولىمىزداعى جابدىقتاردىڭ بارلىعى – ۋلترا زاماناۋي بينوكۋليارلىق وفتالموسكوپتار، سابيلەردەگى سوقىرلىقتى ەمدەۋدىڭ جالعىز ءادىسى – لازەرلىك قوندىرعىلار، «لۋتسەنتيس» ينەكتسياسى ارقىلى رەتينوپاتيانى ەمدەۋگە ارنالعان كلينيكالىق حاتتاما ءبىز ءۇشىن قول جەتپەس ارمان بولاتىن. ەندى بىزدە شالا تۋعان بالالارعا الەم سۇلۋلىعىن، ال وتباسىلارىنا قۋانىش پەن باقىت سىيلايتىن مۇمكىندىك پايدا بولدى. ال ءبىز مامانداردىڭ تالايى سەنبەگەن، بالالارعا وفتالمولوگيالىق كومەك كورسەتۋدىڭ كەرەمەت مۇمكىندىكتەرىن سىيلاعان ايدان سۇلەيمەنوۆاعا العىس ايتامىز»، دەيدى قر كوز اۋرۋلارى عزي وفتالمولوگ دارىگەرى اسەل ءشارىپوۆا.

وسىلايشا ءوزى دە بۇرىنعى تەراپەۆت-دارىگەر ايدان سۇلەيمەنوۆا 15 جىلدان بەرى بالالار دەنساۋلىعىن ساقتاۋداعى ساۋاپتى ىستەرمەن اينالىسىپ كەلەدى. ول نەگىزگى قاراجاتىن مەملەكەت كومەگىن كۇشەيتە ءتۇسۋ ءۇشىن قازاقستانداعى بالالار ءولىم-ءجىتىمى مەن مۇگەدەكتىكتى ازايتۋعا باعىتتاپ وتىر. 2007 جىلدان بەرى ايدان سۇلەيمەنوۆا 1،5 ميلليارد تەڭگەنى قۇرايتىن جەكە قاراجاتىنا ەلىمىزدەگى كوپبەيىندى 30 بالالار اۋرۋحاناسى مەن پەريناتالدىق ورتالىقتارىنىڭ جانساقتاۋ بولىمشەلەرىن وزىق مەديتسينالىق تەحنولوگيالارمەن جابدىقتاپ كەلە جاتىر. AYALA قق پرەزيدەنتى تەك شالا تۋعان سابيلەردىڭ رەتينوپاتياسىنان تۋىندايتىن بالالار زاعيپتىعىن تومەندەتۋ جوباسىنا 28 950 000 تەڭگە بولسە، ونىڭ 16 810 000 تەڭگەسى  2022 جىلى وفتالمولوگيالىق سكرينينگكە ارنالعان جابدىقتارعا، ال 12 140 000 تەڭگەسى الماتىداعى قالالىق پەريناتالدىق ورتالىققا رەتينالدىق كامەرا ساتىپ الۋعا جۇمسالدى.

سوڭعى جاڭالىقتار

مۇناي باعاسى 16% تومەندەيدى

ەكونوميكا • بۇگىن، 11:30

بۇگىن اۋا رايى قانداي بولادى؟

اۋا رايى • بۇگىن، 09:33

ەلىمىزدە 49 ادام ىندەت جۇقتىردى

كوروناۆيرۋس • بۇگىن، 09:14

جاڭارعان جۇيە جاۋاپكەرشىلىگى

سايلاۋ • بۇگىن، 08:58

سايىنداعى سۋ داۋى

ايماقتار • بۇگىن، 08:50

توپ جارعان ءۇش عالىم

ءبىلىم • بۇگىن، 08:45

قىرعىزدىڭ وڭىندەي...

ونەر • بۇگىن، 08:35

انا مەن بالا اماندىعى

مەديتسينا • بۇگىن، 08:35

ساياسي الاڭداعى ۇستانىم

سايلاۋ • بۇگىن، 08:25

تاعى دا تاريف تۋرالى

ايماقتار • كەشە

ۇقساس جاڭالىقتار