سەناتتىڭ بەيىندىك كوميتەتىنىڭ قورىتىندىسىندا كورسەتىلگەندەي, زاڭ جوباسى پرەزيدەنت قاسىم-جومارت توقاەۆتىڭ 2022 جىلعى 1 قىركۇيەكتەگى قازاقستان حالقىنا جولداۋى شەڭبەرىندە جۇكتەگەن تاپسىرماسىن ورىنداۋ ءۇشىن ازىرلەنگەن.
زاڭ جوباسىنىڭ نەگىزگى مىندەتى - 2022 جىلعى 4-7 قاڭتار ارالىعىندا ارانداتۋشىلاردىڭ ىقپالىنا تۇسكەن جانە جاپپاي تارتىپسىزدىكتەر جاعدايىندا قىلمىستىق ارەكەتتەر جاساعان ادامداردى, سونداي-اق قاڭتار وقيعالارى كەزىندە قۇقىققا قارسى ارەكەتتەردىڭ جولىن كەسۋ كەزىندە قىلمىستىق قۇقىق بۇزۋشىلىقتارعا جول بەرگەن قۇقىق قورعاۋ ورگاندارى مەن اسكەري ورگانداردىڭ قىزمەتكەرلەرىن جازالاۋ مەرزىمدەرىن قىسقارتۋ جانە جازاسىن وتەۋدەن بوساتۋ.
زاڭ جوباسى ادامگەرشىلىك اكتىسىنىڭ قولدانىسىنا جاتاتىن قىلمىستىق كودەكستىڭ باپتارىنىڭ تىزبەسىن, راقىمشىلىق جاساۋدىڭ شارتتارى مەن ءتارتىبىن كوزدەيدى, سونداي-اق ۇكىمەت پەن جەرگىلىكتى اتقارۋشى ورگانداردىڭ بوساتىلاتىن ادامداردى جۇمىسقا ورنالاستىرۋ, ولارعا الەۋمەتتىك جانە وزگە دە كومەك كورسەتۋ جونىندەگى شارالاردى ىسكە اسىرۋ جونىندەگى قۇزىرەتىن بەكىتەدى.
سونداي-اق قۇجاتتا قىلمىستىق تەرىس قىلىقتار, اۋىرلىعى از جانە ورتاشا قىلمىستار جاساعان تارتىپسىزدىكتەرگە قاتىسۋشىلارعا قاتىستى قىلمىستىق ىستەردى توقتاتۋ, وسىنداي ارەكەتتەر بويىنشا سوتتالعانداردى جازادان بوساتۋ, سونداي-اق وسىنداي قۇقىق بۇزۋشىلىقتار ءۇشىن جازاسىن وتەگەندەردىڭ سوتتىلىعىن الىپ تاستاۋ كوزدەلگەن.
اۋىر قىلمىس جاساعان ادامدارعا زاڭ جوباسىندا سوتتار تاعايىنداعان جازا تورتتەن ۇشكە, اسا اۋىر قىلمىستار – جارتىسىنا قىسقارتىلادى.
«بۇل رەتتە تەرروريستىك, ەكسترەميستىك, سىبايلاس جەمقورلىق قىلمىستار, مەملەكەتكە وپاسىزدىق, ازاپتاۋلار جاساعان, قىلمىستاردىڭ قايتالانۋى نەمەسە قاۋىپتى قايتالانۋى كەزىندە, جاپپاي تارتىپسىزدىكتەر ۇيىمداستىرعان, كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستار جاساعان ادامدار راقىمشىلىق جاساۋعا جاتپايدى», دەلىنگەن سەنات قورىتىندىسىندا.
زاڭ جوباسىن قابىلداۋ تەرىس الەۋمەتتىك-ەكونوميكالىق جانە قۇقىقتىق سالدارعا اكەپ سوقپايدى, سونداي-اق رەسپۋبليكالىق بيۋدجەتتەن قوسىمشا قارجىلىق شىعىنداردى تالاپ ەتپەيدى.
جالپى, ازىرلەۋشىلەردىڭ پىكىرىنشە, جوبانى قابىلداۋ ەلدەگى قوعامدىق-ساياسي جاعدايعا وڭ اسەر ەتەدى.
ەسكە سالا كەتسەك, 2022 جىلدىڭ 1 قىركۇيەگىندە قاسىم-جومارت توقاەۆ قازاقستان حالقىنا جولداۋىندا قاڭتار وقيعالارىنا قاتىسۋشىلارعا راقىمشىلىق جاريالاعان ەدى.
باس پروكۋراتۋرا راقىمشىلىققا 1,5 مىڭعا جۋىق ادام تۇسەتىنىن حابارلادى.
