اتالعان اكتسيا اياسىندا الەۋمەتتىك از قامتىلعان وتباسىلار, جالعىزباستى قارتتار, كوپبالالى وتباسىلار جانە ەرەكشە قاجەتتىلىكتەرى بار بالالار ساناتىنداعى 60 وتباسى ازىق-ت ۇلىك سەبەتىن الدى.
ءىس-شارانىڭ ماقساتى – حالىقتىڭ الەۋمەتتىك وسال توپتارىنا كومەكتەسۋ. وعان قازاقستان حالقى اسسامبلەياسىنىڭ ەلوردالىق ەتنومادەني بىرلەستىكتەرى قاتىستى.
قازاقستان رەسپۋبليكاسىنىڭ كۇردتەر «باربانگ قاۋىمداستىعى» اقب استانا قالالىق فيليالى» قوعامدىق بىرلەستىك توراعاسى شامو فاتوەۆ جەرلەستەرىنە قولداۋ كورسەتۋگە دايىن ەكەنىن جەتكىزدى.
«بۇگىن ءبىز ەركىن جانە تاۋەلسىز مەملەكەتتە ءومىر ءسۇرىپ جاتىرمىز. بارلىق قازاقستاندىقتار حالىقتار دوستىعى – ءبىزدىڭ ەلىمىزدىڭ باعا جەتپەس بايلىعى ەكەنىن تۇسىنەدى. سەنىمسىز ءار ءتۇرلى ۇلت وكىلدەرى اراسىندا مەملەكەتتىڭ وركەندەۋى بولمايدى, دەمەك قاراپايىم ادامداردىڭ باقىتتى ءومىرى دە بولمايدى دەگەن ءسوز. تەك يگى ىستەر عانا قوعامعا دەگەن كوزقاراسىن وزگەرتۋگە كومەكتەسەدى, ويتكەنى ادامدار ءبىر-بىرىنە مەيىرىمدى, ءوز ارەكەتتەرى ءۇشىن جاۋاپتى بولادى», دەدى قوعامدىق بىرلەستىك توراعاسى شامو زااروۆيچ.
ەلوردالىق اسسامبلەيا جۇمىسىنىڭ ماڭىزدى باعىتتارىنىڭ ءبىرى - قايىرىمدىلىقتى دامىتۋ. استانا قالاسىنىڭ «پاراسات» قايىرىمدىلىق قىزمەتىن ۇيلەستىرۋ ورتالىعى 2019 جىلى دوستىق ءۇيىنىڭ جانىنان الەۋمەتتىك ساياساتتى قولداۋ جانە دامىتۋ ماقساتىندا قۇرىلعان.
ورتالىق كوپتەگەن ادامدارعا كومەك كورسەتەدى, وعان بالالار, قارتتار, ەرەكشە قاجەتتىلىكتەرى بار ادامدار, سونداي-اق حالىقتىڭ الەۋمەتتىك وسال توپتارىنان شىققان ازاماتتار كىرەدى.
بيىل استانا قالاسىنىڭ قازاقستان حالقى اسسامبلەياسى 25 قايىرىمدىلىق ءىس-شاراسىن ۇيىمداستىرىپ, جالپى سوماسى 38155 ملن تەڭگەگە 3655-تەن استام وتباسىنا قولداۋ كورسەتكەن.
