«پيلوتتىق رەجيمدە «جولاۋشىلار تاسىمالى» اق 2022 جىلعى 1 جەلتوقساننان باستاپ 2023 جىلعى 28 اقپانعا دەيىن جونەلتىلەتىن كوممەرتسيالىق پويىزدار ۆاگوندارىنداعى جوعارعى جانە تومەنگى ورىندارعا جول ءجۇرۋ قۇنىنا سارالانعان ءتاسىلدى ەنگىزەدى. جوعارعى جانە تومەنگى ورىندار اراسىنداعى جول اقىسىنىڭ ايىرماشىلىعى 20% قۇرايدى.
جوبا ۆاگونداعى ورىنداردى بىركەلكى ءبولۋ, سونداي-اق جولاۋشىلاردىڭ تومەنگى ورىندارعا دەگەن سۇرانىسىن قاناعاتتاندىرۋ ماقساتىندا جۇزەگە اسىرىلادى», دەلىنگەن حابارلامادا.
مالىمەتكە ساي, سارالانعان ءتاسىل كەلەسى جولاۋشىلار پويىزدارىندا قولدانىلادى:
- № 111/112 «الماتى-ماڭعىستاۋ»;
- № 51/52 «الماتى-ورال»;
- № 105/106 «الماتى-پەتروپاۆل»;
- № 71/72 «استانا-شىمكەنت»;
- № 29/30 «الماتى-اتىراۋ».
بۇل ءتاسىل پيلوتتىق رەجيمدە 2022 جىلدىڭ 1 جەلتوقسانىنان 2023 جىلدىڭ 28 اقپانىنا دەيىن قولدانىلادى.
