الماتىداعى «مەدەۋ» بيىك تاۋلى كەشەنىنىڭ الاڭىندا رەسپۋبليكا كۇنىنە ورايلاستىرىلعان «پاتريوتيزم داۋىسى» اكتسياسى ۇيىمداستىرىلدى. اكتسيا اياسىندا مەملەكەتتىك تۋدى كوتەرۋ جانە ءانۇران ورىنداۋدىڭ سالتاناتتى ءراسىمى ءوتتى.
ءىس-شاراعا الماتى اكىمى ەربولات دوساەۆ, قوعام قايراتكەرلەرى, ءماسليحات دەپۋتاتتارى, ستۋدەنتتەر مەن اسكەري قىزمەتشىلەر قاتىستى.
قالا تۇرعىندارى مەملەكەتتىك ءانۇراندى قالانىڭ بارلىق اۋداندارىندا ورىندادى. مەرەكەلىك ءىس-شارالار «قىران ەلىم – قازاقستان» فلەشموبىنا ۇلاستى.
ايتا كەتسەك, ساعات 17:00-دە «استانا» الاڭىندا قازاقستاندىق ەسترادا جۇلدىزدارىنىڭ قاتىسۋىمەن مەرەكەلىك كونتسەرت باستالدى. كونتسەرتتەن كەيىن كەشكى ساعات 21:30-دا مەرەكەلىك وتشاشۋ بولادى.
