«قادىرلى اعايىن, 1990 جىلى قازاقستاننىڭ ەگەمەندىگى تۋرالى دەكلاراتسيا قابىلداندى. بۇل تاۋەلسىزدىگىمىزگە جاسالعان ءبىرىنشى قادامىمىز. بۇل ايتۋلى, تاريحي مەرەكە. سول سەبەپتى 25 قازان - ۇلكەن تاريحي كۇن. ەگەمەندىگىمىزدى كوزىمىزدىڭ قاراشىعىنداي ساقتاپ, بىرلىكتە بولايىق, اعايىن! رەسپۋبليكا كۇنى قۇتتى بولسىن! اسپانىمىز اشىق بولىپ, قازاق ەلى ءاردايىم الەمگە ايگىلى, دۇنيە جۇزىندە ورنى بار, الەمنىڭ دامىعان ەلدەرىمەن تەرەزەسى تەڭ بولعاي!», دەدى «استانالىق تسيركتىڭ» باس ديرەكتورى, قر ەڭبەك سىڭىرگەن قايراتكەرى ەرىك جولجاقسىنوۆ.
قر ەڭبەك سىڭىرگەن قايراتكەرى اسحات ماەميروۆ ەلوردالىقتاردى مەرەكەمەن قۇتتىقتادى.
«ۇشى-قيىرى جەتپەيتىن ۇلان-عايىر دالا - اتا-بابالارىمىزدىڭ باعزى زاماننان بەرگى قاسيەتتى مەكەنى. سول بابالار جەرىندە بۇگىندە ەگەمەندىكتىڭ كوك بايراعى جەلبىرەپ تۇر. جاڭا قازاقستاننىڭ ءوسىپ-وركەندەۋى وسكەلەڭ ۇرپاقپەن تىكەلەي بايلانىستى. استانا قالاسى مۋزىكالىق جاس كورەرمەن تەاترىنىڭ دا ماقساتى وسى - وسكەلەڭ ۇرپاققا ۇلتتىق قۇندىلىقتاردى دارىپتەۋ بولىپ ەسەپتەلەدى.
قازاقستاننىڭ تاڭداعان ادىلەتتىلىك جولى - ءبىزدى بۇكىل الەمگە پاش ەتەتىن باستى تەمىرقازىق. سوندىقتان جۇرەگى ەل دەپ سوققان ءاربىر وتانداسىمىز جاڭا قازاقستاننىڭ دامۋىنا, قالىپتاسۋىنا, وركەندەۋىنە ۇلەس قوسىپ, ماڭدايىمىز جارقىراپ, الەمدىك كەڭىستىكتەردە بيىكتەن كورىنە بەرەيىك!», دەدى ول.
ءوز كەزەگىندە اكتەر ءادىل احمەتوۆ مەرەكەنىڭ ماڭىزدىلىعىنا توقتالىپ ءوتتى.
«1990 جىلى 25 قازاندا ەگەمەندىك تۋرالى دەكلاراتسيا قابىلدانعان ەدى. ءاربىر وقيعا ءوز ۋاقىتىندا, اقيقاتىمەن بولعانى دۇرىس دەپ ەسەپتەيمىن. رەسپۋبليكا كۇنىنە وراي وتانداستارىمدى, قازاق ەلىن ۇلتتىق مەرەكەمەن قۇتتىقتايمىن! ەگەمەندىگىمىز ماڭگى بولسىن! تاۋەلسىز قازاقستان ماڭگىلىك جارقىراپ, جايناي بەرسىن!», دەدى اكتەر.
