بايلار دا... بالا بولعان

تارازدىق كاسىپكەرلەر جەكە قارجىلارىنا بالالار الاڭدارىن جاساۋعا كىرىستى “سەنىم” كومپانياسىنىڭ باسشىسى اقىلبەك سادىرباەۆ تاراز قالاسىنىڭ ورتالىعىنداعى قازىبەك بي كوشەسىنە ورنالاسقان كوپقاباتتى №49 ءۇيدىڭ تۇرعىندا­­­رىن قۋانىشقا كەنەلتتى. كومپانيا قۇرىلىسشىلارى ءبىر جارىم ايدىڭ ىشىندە ءۇيدىڭ اۋ­لا­سىنداعى 2700 شارشى مەتر جەر­گە اسفالت توسەپ, 970 قۋما مەتر بورديۋر قويسا, 276 شارشى مەتر جەر­دى قۇنارلى توپىراقپەن تەگىس­تەپ, جاسىل وسكىن تۇقىمىن سەپتى. سونىمەن بىرگە, كومپانيا قام­قورلىعىنىڭ ارقاسىندا اۋلا ورتاسىنان بۇلدىرشىندەرگە ارنال­عان ءتۇرلى اتكەنشەكتەر مەن سىر­عاناقتار پايدا بولدى. ولاردىڭ اتا-انالارى ءۇشىن ورىندىقتار قويىلىپ, تەننيس ۇستەلدەرى ورناتىلدى. ءبىر سوزبەن ايتقاندا, بۇگىندە №49 ءۇيدىڭ تۇرعىندارى­نىڭ قۋانىشىندا شەك جوق. ال اۋلا... بالالار مەرەكەسىنە اينال­عان. ەڭ باستىسى, ول مەرەكەنى بولىسۋگە وبلىس اكىمى قانات بو­زىمباەۆ پەن قالا اكىمى ەرتارعىن استاەۆتىڭ وزدەرى كەلدى. بۇل يگى باستاما قالاي پايدا بولدى؟ بۇرىن قولعا الىنىپ پا ەدى ءوزى؟ البەتتە, ءار باسشىنىڭ تۇسىندا ءار ءتۇرلى باستاما بولا­تىنى بەلگىلى. بىراق, ءبىر وكىنىشتىسى, سول يگى ىستەر اياعىنا دەيىن جەت­كىزىلمەيدى. وبلىس اكىمى قانات بوزىمباەۆ وسى شالاعايلىقتى بولدىرماۋ ءۇشىن “جاسىل ەل” قوعامدىق ۇيى­مى كوتەرگەن باستامانى ءوزى باقى­لاۋعا الدى. دەمەك, بيىل وبلىس ورتالىعىندا 65 بالالار الاڭى پايدا بولادى. ءسويتىپ, 3 جىلدىڭ ىشىندە قالاداعى بارلىق تۇرعىن ۇيلەردىڭ اۋلالارى قامتىلادى. – حالقىمىزدا “ەلدە بولسا ەرىنگە تيەدى” دەگەن ءسوز بار. ەڭ ءبى­رىنشى – ەل امان بولسىن! ءبىزدىڭ ءىسى­مىزدىڭ ورگە باسۋى سول اينا­لاي­ىن حالىقتىڭ ارقاسى. سوندىقتان ءبىز دە ەلدىڭ بولاشاعى – بالالار ءۇشىن قولىمىزدان كەلەتىن جاق­سى­لىقتان ايانبايمىز. ونىڭ ۇستىنە وسى يگى ىسكە ۇيىتقى بولىپ, اتقارىلىپ جاتقان جۇمىس بارى­سىن قاداعالاپ وتىرعان وبلىس, قالا باسشىلارىنا دا راحمەت, – دەيدى كومپانيا وكىلىنىڭ ءبىرى التىنبەك سادىرباەۆ. كوپقاباتتى تۇرعىن ءۇيدىڭ اۋ­لاسىنا 12 ميلليون تەڭگەدەي جەكە قارجىسىن جۇمساعان “سەنىم” كوم­پانياسىنىڭ باسشىلارىنىڭ جو­مارتتىعى مەن جۇمىسشىلارىنىڭ ساپالى جۇمىستارىنا تۇرعىندار ريزا بولدى. كوسەمالى ساتتىباي ۇلى, تاراز.