اۋا-رايىنىڭ قولايسىزدىعىنا بايلانىستى ەرتىس القابىندا ءورت شارپىپ بارادى.
«جالپى اۋماعى 140 گەكتاردى قۇرايدى. اۋا رايىنىڭ قولايسىزدىعىنان ءورتتى ءسوندىرۋ قيىنعا سوعۋدا. وڭىردە داۋىلدى ەسكەرتۋ جاريالانىپ, كەي جەرلەردە جەلدىڭ ەكپىنى 23-28 م/س بولادى», دەپ حابارلاما جاسادى پاۆلودار وبلىسىنىڭ توتەنشە جاعدايلار دەپارتامەنتى.
مايسكي, باسكول اۋىلدىق وكرۋگىندە, ەرتىستىڭ جايىلماسىندا 15 گەكتار, 25 گەكتار, 37 گەكتار, 39 گەكتار, 24 گەكتار شاشىلعان بەس ورتالىقتا شامامەن 70 توننا جاڭا شابىلعان ءشوپ, قۇرعاق ءشوپ پەن قامىس ورتەنىپ جاتىر.
ءورتتى سوندىرۋگە 10 بىرلىك تەحنيكا مەن 60-تان استام ادام جۇمىلدىرىلعان, ونىڭ ىشىندە كوكتوبە ورمان شارۋاشىلىعىنىڭ ورمانشىلارى دا بار.
