جولاۋشىلار كولىگى جانە اۆتوموبيل جولدارى باسقارماسى جول قاۋىپسىزدىگىنە ءبىرىنشى كەزەكتە جولدار مەن كوشەلەردىڭ جاعدايى اسەر ەتەتىنىن باسا ايتتى.
«جولدار مەن كوشەلەردىڭ ساپاسىن 95%-عا دەيىن جاقسارتۋ ءۇشىن جىل سايىن كەمىندە 1100 شاقىرىمدى (370 شاقىرىم جول جانە 725 شاقىرىم كوشە) جوندەۋ قاجەت. ول ءۇشىن بيۋدجەتتەن جىل سايىن 55 ميلليارد تەڭگەدەن استام (جول جوندەۋگە 20 ميلليارد تەڭگە, كوشە جوندەۋگە 35 ميلليارد تەڭگە) قاراجات ءبولۋ قاجەت. بۇل قاراجات 2023 جىلعا ارنالعان جەرگىلىكتى بيۋدجەت جوباسىندا قاراستىرىلعان», دەدى الماتى وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى الماس باتانوۆ.
ونىڭ ايتۋىنشا, جەدەل شارا رەتىندە پوليتسيا بولىمىمەن بىرلەسىپ, رەسپۋبليكالىق ماڭىزى بار جولداردىڭ 12 اپاتتى ۋچاسكەسىندە «سەرگەك» اپپاراتتىق-باعدارلامالىق جۇيەلەرى پيلوتتىق رەجيمدە ورناتىلدى. پيلوتتىق رەجيم وڭ ناتيجە بەرگەن جاعدايدا رەسپۋبليكالىق ماڭىزى بار جولداردىڭ 195 ۋچاسكەسىندە «سەرگەك» كەشەندەرىن ورناتۋ جوسپارلانۋدا.
سونداي-اق پاراللەلدى تۇردە كوشەلەر مەن جولداردىڭ اپاتتى ۋچاسكەلەرىنە, جوبالىق قۇجاتتاماعا جول قوزعالىسى قاۋىپسىزدىگىنە اۋديت جۇرگىزىلۋدە. بيىلدان باستاپ «تسيفرلىق ەگىز» جوباسى اياسىندا گەواقپاراتتىق پلاتفورما ازىرلەۋ جانە جولداردى سەرتيفيكاتتاۋ جوسپارلانۋدا. 2023 جىلعا ارنالعان جەرگىلىكتى بيۋدجەت جوباسىندا پورتالدى دامىتۋعا 396 ملن تەڭگە كولەمىندە قاراجات قاراستىرىلعان.
