ونىڭ ايتۋىنشا, بۇگىنگى تاڭدا قازاقستاندا اعىمداعى نورما قولدانىلادى, وعان سايكەس ەلدە 40 ساعاتتىق بەس كۇندىك نەمەسە التى كۇندىك جۇمىس اپتاسى مىندەتتى بولىپ تابىلادى. بىراق جۇمىس بەرۋشى ءوز قىزمەتكەرلەرىمەن كەلىسىپ, بۇل نورمانى ءوزارا وزگەرتە الادى.
«4 كۇندىك جۇمىس اپتاسىنا كەلەتىن بولساق, ماسەلە قاراستىرىلۋدا. ءبىر ايدا ءتورت اپتا, ءبىرىنشى اپتادا ءتورت كۇن, ەكىنشى اپتادا بەس, ءۇشىنشى اپتادا التى جانە ءتورتىنشى اپتادا تاعى ءتورت كۇن بولۋى مۇمكىن دەلىك. «ەسەپ كەزەڭى» دەگەن ۇعىم بار, ساعاتتاردىڭ جالپى سانى وسى كەزەڭنەن جوعارى بولماۋى كەرەك. ال قالعان ساتتەردى جۇمىس بەرۋشى قىزمەتكەرمەن شەشە الادى», دەدى تولەگەن وسپانقۇلوۆ.
بۇعان دەيىن ۆەدومستۆو الەۋمەتتىك قورعاۋ ماسەلەلەرى بويىنشا تۇزەتۋلەر دايىنداعان بولاتىن, ونىڭ شەڭبەرىندە 2023 جىلدان باستاپ قازاقستاندا 4 كۇندىك جۇمىس اپتاسىن بەلگىلەۋگە بولادى.
زاڭ جوباسى قازاقستاننىڭ الەۋمەتتىك كودەكسى قابىلدانعان جاعدايدا نورماتيۆتىك قۇقىقتىق اكتىلەردى سايكەستەندىرۋگە باعىتتالعان. اتاپ ايتقاندا, ەڭبەك كودەكسىنە «بىرلەسكەن جۇمىسقا ورنالاستىرۋ» ۇعىمدىق تەرمينى ەنگىزىلەدى.
