20 قازاندا «102» پۋلتىنە قوستاناي تۇرعىنىنان ۆاننا بولمەسىنەن جىلان تابىلعانى تۋرالى حابارلاما ءتۇستى. وقيعا ورنىنا ۋچاسكەلىك پوليتسيا ينسپەكتورى اسقار مەنتاەۆ پەن ونىڭ ارىپتەسى سەرىك مالعاجدار بارعان.
ء«وتىنىشتى العاننان كەيىن ءبىز مەكەنجايعا كەلدىك. وندا ۇزىندىعى 20-25 سانتيمەتر بولاتىن جىلاندى تاپتىق. ونىڭ قايدان پايدا بولعانىن ءبىز قازىر انىقتاپ جاتىرمىز, ول بىرەۋلەردىڭ ءۇي جانۋارى بولعان ءتارىزدى. قازىرگى ۋاقىتتا ءبىز يەسىن ىزدەپ جاتىرمىز. وقيعا ورنىنا تجم قىزمەتكەرلەرى دە كەلدى», دەدى ۋچاسكەلىك اسقار مەنتاەۆ.
كەيىننەن ماماندار ۇستالعان جىلاننىڭ كادىمگى سۋ جىلان ەكەنىن ايتتى.
پوليتسەيلەر جىلاندى قالادان الىپ شىعىپ, تابيعي ورتاعا جىبەرگەن.
ايتا كەتەيىك, قازان-قاراشا ايلارىندا سۋجىلاندار ءارتۇرلى شۇڭقىرلار مەن ساڭىلاۋلارعا ەنىپ قىستايدى.
