رەسەيدەگى سانكتسيالار مەن سوعىس جاعدايىنا بايلانىستى وڭتۇستىك كورەيالىق تۇرمىستىق تەحنيكا ءوندىرۋشى LG كومپانياسى ءوندىرىستى باسقا ەلگە كوشىرۋدى جوسپارلاپ وتىر. كومپانيا وزبەكستان مەن قازاقستان اراسىندا تاڭداۋ جاسايدى.
بۇل تۋرالى كومەرسانت باسىلىمى جازدى. كومپانيانىڭ زاۋىتى قازاقستاندا بۇعان دەيىن بولعان, بىراق ول 1998 جىلدان بەرى جۇمىس ىستەمەيدى.
دەرەكتەرگە سۇيەنسەك, قازىر وزبەكستاندا Samsung جابدىقتارىن شىعاراتىن Artel كومپانياسىمەن كەلىسسوزدەر جۇرگىزىلۋدە. ءوندىرىستىڭ وزبەكستانعا بەرىلۋى ارزان جۇمىس كۇشىنىڭ ارقاسىندا تيىمدىرەك دەسە, قازاقستاندا تولەم جاساۋعا قابىلەتتى تۇتىنۋشىلاردىڭ كوپ بولۋى قىزىقتىرىپ وتىر.
ەندى كومپانيا ەكى جاقتى دا قاراستىرىپ جاتىر. ءبىر دەرەكتەردە كومپانيانىڭ قىزمەتكەرلەرى تاشكەنتكە قونىس اۋدارعان دەلىنسە, ەندى ءبىر اقپاراتتار, تاڭداۋ قازاقستانعا ءتۇسىپ, ءوندىرۋشىسى كومپانيا الماتىدا جاڭا زاۋىت اشۋ جونىندە تسيفرلىق دامۋ مينيسترلىگىمەن كەلىسسوزدەر جۇرگىزىپ جاتىر دەپ حابارلايدى.
بۇعان دەيىن پرەمەر-مينيستر ءاليحان سمايلوۆ رەسەيدەن قازاقستانعا 56 حالىقارالىق كومپانيا كەلەدى دەگەن بولاتىن.
