بەينەجازبانى «قازاقستان ينجينيرينگ «ۇلتتىق كومپانياسى» اق باسشىسى ت.ك.ء ابدىراحمانوۆ جۇرگىزگەن.
«سەمەي ماشينا جاساۋ زاۋىتى «قازاقستان ينجينيرينگ «ۇلتتىق كومپانياسى» اق-نىڭ قاراماعىنا قارايدى. «قازاقستان ينجينيرينگ» ۇلتتىق كومپانياسى ۇسىنعان اقپاراتقا سايكەس, كاسىپورىننىڭ 2015 جىلدان بەرى جيناقتالعان شىعىنى شامامەن 1,9 ملرد تەڭگەنى قۇرايدى, ال كرەديتورلىق بەرەشەكتىڭ ءوسۋى 3 ملرد تەڭگەدەن استى. وسى جىلدىڭ اقپان ايىنان باستاپ زاۋىتقا قاتىستى سوت شەشىمىمەن 5 جىل مەرزىمگە وڭالتۋ ءراسىمى قولدانىلدى», دەپ جازىلعان اگەنتتىكتىڭ حابارلاماسىندا.
كرەديتورلار كوميتەتىنىڭ شەشىمى بويىنشا 2022 جىلدىڭ 25 قازانىنان باستاپ زاۋىتتا اۋديت باستالادى.
«قازىرگى ۋاقىتتا وسى فاكتىلەر بويىنشا سىبايلاس جەمقورلىققا قارسى قىزمەتكە ەشقانداي ماتەريالدار مەن وتىنىشتەر تۇسكەن جوق. بۇل رەتتە, وڭالتۋ جانە بانكروتتىق كەزىندەگى زاڭسىز ارەكەتتەرمەن, سونداي-اق قاساقانا بانكروتتىقپەن بايلانىستى قىلمىستىق قۇقىق بۇزۋشىلىقتار ەكونوميكالىق تەرگەۋ قىزمەتىنىڭ تەرگەۋىنە جاتادى», دەپ قوستى اگەنتتىكتىڭ ءباسپاسوز قىزمەتى.
