ەكى وبلىستىڭ تاۋار وندىرۋشىلەرى استاناعا 698 توننا ەكولوگيالىق تازا ءونىم اكەلەدى. ونىڭ ىشىندە: 430 توننا كارتوپ, بارلىق تۇردەگى 138 توننا ەت, 95 توننا كوكونىس, 13 توننا ءسۇت ءونىمى, 5,5 توننا بالىق جانە بالىق ونىمدەرى, 200 مىڭ دانا جۇمىرتقا جانە 16 توننا وزگە دە ءونىم (شۇجىق, كونديتەرلىك, نان-توقاش) بار.
رەسپۋبليكا كۇنى قارساڭىندا وتەتىن جارمەڭكەگە قاراعاندى وبلىسىنان 164 فەرمەرلىك شارۋاشىلىق پەن قايتا وڭدەۋ كاسىپورىندارى, سونداي-اق ۇلىتاۋ وبلىسى جاڭاارقا اۋدانىنىڭ تاۋار وندىرۋشىلەرى قاتىسادى.
ايتا كەتسەك, بۇل جارمەڭكە فەرمەرلەرگە ءوز ونىمدەرىن تىكەلەي تۇتىنۋشىلارعا دەلدالسىز ساتۋعا مۇمكىندىك بەرەدى, ناتيجەسىندە ولاردىڭ تاۋارلارى نارىقتاعى باعادان 10-20% تومەن بولادى.
جارمەڭكەلەر 30 قازانعا دەيىن ءار سەنبى مەن جەكسەنبى كۇندەرى وتەدى. وتەتىن ورنى: تۇران, 48 مەكەنجايىنداعى «استانا-ارەنا» ستاديونىنىڭ جانىنداعى الاڭ.
ال كەلەسى دەمالىستا (29-30 قازان كۇندەرى), ياعني بيىلعى جارمەڭكەنى اقمولا وبلىسىنىڭ كاسىپكەرلەرى قورىتىندىلايدى.
