فابريكا حالىقتىڭ الەۋمەتتىك وسال توپتارىنا جاتاتىن ازاماتتاردى كوپتەپ جۇمىسقا العان. اتاپ ايتقاندا, 26 كوپ بالالى انا, 36 جالعىزباستى انا, 11 مۇمكىندىگى شەكتەۋلى ازامات قىزمەت ەتەدى.
فابريكا باسشىسى پرەزيدەنتكە ءوندىرىس ورنىندا قاۋىپسىز ەڭبەك جاعدايلارى جاسالعانىن جانە قىزمەتكەرلەرگە ءۇش مەزگىل تەگىن تاماق بەرىلەتىنىن, جۇمىسشىلاردى تاسىمالداۋ ءۇشىن ءتيىستى كولىك قاراستىرىلعانىن باياندادى.
زاماناۋي تىگىن جابدىقتارىنا يە كاسىپورىن بۇگىندە ءبىر رەت قولدانىلاتىن مەديتسينالىق بۇيىمدار (بەتپەردە, حالات, كومبينەزون) جانە ارناۋلى كيىم فورمالارىن تىگەدى. قاسىم-جومارت توقاەۆ فابريكانىڭ وڭىردە شاعىن جانە ورتا بيزنەستى دامىتۋعا ۇلگى بولاتىنىن ايتتى.
پرەزيدەنت فابريكانىڭ جۇمىسىن جوعارى باعالاپ, وڭىردە شاعىن جانە ورتا بيزنەستى دامىتۋعا ۇلەس قوسا بەرۋىنە تىلەكتەستىك ءبىلدىردى.
