«جالپى, ءبىزدىڭ ەلىمىز ءۇشىن قايتا وڭدەۋدى دايەكتى دامىتا وتىرىپ, اۋىل شارۋاشىلىعى ەكسپورتىنىڭ شيكىزاتتىق باعدارىنان باس تارتۋ وتە ماڭىزدى. الەمدەگى سانكتسيالىق تەكەتىرەس وسىعان بايلانىستى جاڭا بىرەگەي مۇمكىندىكتەر اشادى.
وڭىردەگى اۋىل شارۋاشىلىعى سالاسىنىڭ دامۋ قارقىنىن جەدەلدەتۋ ءۇشىن ءىرى ينۆەستورلاردى تارتۋ جۇمىستارىن جانداندىرۋ قاجەت. تالدىقورعان قالاسىندا ورنالاسقان, بارلىق قاجەتتى ينفراقۇرىلىمى بار يندۋستريالىق ايماق شەتەلدىك كومپانيالاردىڭ قونىس اۋدارۋ الاڭىنا اينالۋى مۇمكىن», دەدى قاسىم-جومارت توقاەۆ.
مەملەكەت باسشىسىنىڭ ايتۋى بويىنشا, دايىن ازىق-ت ۇلىك ونىمدەرىن ءوندىرۋ مەن ناسيحاتتاۋعا باسا نازار اۋدارۋ كەرەك.
ء«وڭىردىڭ ترانزيتتىك مۇمكىندىكتەرىن كەيىننەن ولاردى كەرى ەكسپورتتاۋ ءۇشىن كورشىلەس ەلدەردىڭ اۋىل شارۋاشىلىعى شيكىزاتىن قايتا وڭدەيتىن بىرلەسكەن كاسىپورىندار قۇرۋ ءۇشىن پايدالانعان ءجون», دەپ اتاپ ءوتتى پرەزيدەنت.
