بۇگىن ساتباەۆ قالاسىنداعى « ۇلىتاۋ» ساۋدا ورتالىعىنىڭ الدىندا اتىس بولدى. بەلگىسىز بىرەۋ 24 جاستاعى جىگىتتى جارالاعان. ناتيجەسىندە ول اۋرۋحاناعا جەتكىزىلدى.
«جارالانعان جىگىت 1998 جىلعى ازامات ەكەنى انىقتالدى. ول جەزقازعان قالاسىنداعى وبلىستىق كوپسالالى اۋرۋحاناعا جەتكىزىلدى. وق وڭ جاق سانىنا تيگەن, سونىمەن قوسا ارقاسىنان, ەكى جاۋىرىننىڭ اراسىنا پىشاق سۇققان. جىگىتتىڭ العان جاراقاتتارىمەن حيرۋرگتەر اينالىسۋدا», دەدى ۇلىتاۋ وبلىسىنىڭ دەنساۋلىق ساقتاۋ باسقارماسىنان.
وقيعاعا نە سەبەپ بولعانى ازىرگە بەلگىسىز. ءتارتىپ ساقشىلارى ءمان-جايدى انىقتاۋدا.
«بۇل فاكتى بويىنشا قىلمىستىق ءىس قوزعالدى. قازىرگى ۋاقىتتا كۇدىكتىنى انىقتاۋ جانە ۇستاۋ بويىنشا جەدەل-ىزدەستىرۋ شارالارى جۇرگىزىلۋدە. وقيعانىڭ ءمان-جايى انىقتالۋدا», دەپ حابارلادى ۇلىتاۋ وبلىستىق پد ءباسپاسوز قىزمەتى.
