«قاراسورا-2022» جانە «رەفلەكس» رەسپۋبليكالىق جەدەل-پروفيلاكتيكالىق ءىس-شارالارىن وتكىزۋ بارىسىندا جامبىل وبلىسى بويىنشا ءىىد ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى مەن قر ۇلتتىق ۇلانىنىڭ ارنايى بولىمشەسىنىڭ اسكەري قىزمەتكەرلەرى شۋ اۋدانى, تارىايداعان ايماعىندا قاراسورا جيناۋ كەزىندە اۋىلدىڭ 51 جاستاعى تۇرعىنىن ۇستادى.
جەكە ءتىنتۋ جانە ماڭايداعى اۋماقتى تەكسەرۋ بارىسىندا ۇستالعان ازاماتتان جالپى سالماعى 7 كەلىدەن اساتىن كەپتىرىلگەن ماريحۋانا, سونىمەن قاتار 120 كەلى كەپتىرىلمەگەن ماريحۋانا انىقتالدى. سونداي-اق ەكى گرامنان استام گاشيش تاركىلەندى. سونداي-اق وقتالعان 16-كاليبرلى, كەسىلگەن ۇڭعىلى اتىس قارۋى, وعان قوسىمشا ءۇش پاترون جانە ەلەكتروندى تارازى تاركىلەندى.
«اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 297-بابىنىڭ 3-بولىگى «ەسىرتكى زاتتاردى اسا ءىرى مولشەردە وتكىزۋ ماقساتىندا زاڭسىز ساقتاۋ» بويىنشا سوتقا دەيىنگى تەرگەۋ باستالدى. ۇستالعان ازامات كىناسىن مويىنداپ, شۋ ۋاقىتشا ۇستاۋ يزولياتورىنا قامالدى», دەدى جامبىل وبلىسى ءىىد ەسىرتكى قىلمىسىنا قارسى كۇرەس باسقارماسىنىڭ باستىعى اسقار جۇمابەكوۆ.
