قايىرگەلدينا ساياگۇل ايدارقىزى 1973 جىلى 9 تامىزدا دۇنيەگە كەلگەن.
ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «بيولوگيا» فاكۋلتەتى, ادام اناتومياسى جانە فيزيولوگياسى كافەدراسى بويىنشا بىتىرگەن; قاراعاندى زاڭ اكادەمياسىندا «قۇقىقتانۋ» فاكۋلتەتى, ازاماتتىق قۇقىق كافەدراسىن وقىعان; ماسكەۋ قالاسىنداعى حالىقارالىق قالپىنا كەلتىرۋ مەديتسيناسى ۋنيۆەرسيتەتىندە قالپىنا كەلتىرۋ ەمى جانە مەديتسينالىق وڭالتۋ ماماندىعى بويىنشا ءدارىس العان; «استانا» مەديتسينا ۋنيۆەرسيتەتىندە دەنساۋلىق ساقتاۋ سالاسىنداعى مەنەدجمەنت جانە ماركەتينگ ماماندىعىن تامامداعان.
PhD دوكتور, قر ۇعا پروفەسسورى عىلىمي دارەجەسى بار. «بولاشاق» پرەزيدەنتتىك باعدارلاماسىنىڭ تۇلەگى.
ەڭبەك جولىن 1990 جىلى №3 كيەۆ ورتا مەكتەبىنىڭ تاربيەشىسى بولىپ باستاعان.
ءار جىلدارى جوو-دا وقىتۋشى, قازاقستان رەسپۋبليكاسى پرەزيدەنتى ءىس باسقارماسىنىڭ مەديتسينالىق ورتالىعىنىڭ «زاماناۋي مەديتسينالىق تەحنولوگيالاردى ەنگىزۋ ورتالىعى» رمك يننوۆاتسيالىق جانە ءبىلىم بەرۋ قىزمەتى باسقارماسىنىڭ حالىقارالىق مەديتسينالىق ىنتىماقتاستىق ءبولىمىنىڭ مەڭگەرۋشىسى, باس ساراپشىسى, باس مەنەدجەرى قىزمەتتەرىن اتقاردى.
سوڭعى جىلدارى قازاقستان رەسپۋبليكاسى پرەزيدەنتى ءىس باسقارماسى مەديتسينالىق ورتالىعىنىڭ ساناتوريلەر وكىلدىگىنىڭ باسشىسى لاۋازىمىندا بولدى, كەيىن قازاقستان رەسپۋبليكاسى دەنساۋلىق ساقتاۋ مينيسترلىگىنىڭ «قاراعاندى مەديتسينا ۋنيۆەرسيتەتى» كەاق كۋرورتولوگيا ورتالىعىنىڭ باسشىسى بولىپ جۇمىس ىستەدى.
قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ شتاتتان تىس باس كۋرورتولوگى.
عىلىمي باسىلىمدارداعى 51 ماقالانىڭ, جوعارى وقۋ ورىندارىنىڭ ستۋدەنتتەرىنە ارنالعان 1 وقۋلىقتىڭ, 2 عىلىمي زەرتتەۋدىڭ, 3 اۆتورلىق پاتەنتتىڭ, قازاقستان كۋرورتتارىنا ارنالعان 1 مونوگرافيانىڭ اۆتورى.
